मकवानपुर प्रहरीको सकृयता,गाँजा सहित एम्बुलेन्स नियन्त्रणमा

 २२ बैशाख, हेटौँडा । मकवानपुर प्रहरी प्रमुख प्रहरी उपरीक्षक मुकेश कुमार सिंहले जिल्ला तथा जिल्ला भएर हुने लागुऔषध ओसार प्रसार तथा कारोबारलाई निर्मुल पारिने बताएसंगै अहिले मकवनपुर प्रहरीले यसको नियन्त्रणमा व्यापक सक्रियता देखाएको छ ।

मकवनापुर प्रहरी प्रमुखको जिम्मेवारी सम्हालेको केहि दिनमै उपरीक्षक सिंहले जिल्लामा रहेका इलाका तथा प्रहरीचौकि हरुलाई यसको नियन्त्रणमा लाग्न निर्देशन दिएका छन । प्रहरीले सवारी सुरक्षाजाँचलाई कडाई गर्दे दिनहुजसो लागुऔषध गाजा र चरेस सहित ओसारप्रसार संलग्न सवारी साधन नियन्त्रणमा लिने गरेको छ । यसैक्रममा हिजो शनिबार मकवनापुर प्रहरीले लागुऔषध गाँजा सहित एउटा एम्बुलेन्स नियन्त्रणमा लिएको छ । प्रहरीले हेटौडा उपमहानगरपालिका १५ लच्का स्थित सडक खण्डबाट ६४ केजी गाँजा सहित एक भारतीय एम्बुलेन्सलाई नियन्त्रणमा लिएको जनाएको छ । ईलाका प्रहरी कार्यालय पशुपतिनगरबाट प्रहरी निरीक्षक अरुण कुमार कुशवाहा सहित खटिएको गस्ति टोलिले शंकास्पद अवस्थामा रोकी राखेको वि आर ०५ पि ५६०५ नम्बरको भारतिय एम्बुलेन्स सुरक्षाजाँच गर्दा ड्राईभरको सिटपछाडी लुकाई छिपाई राखेको अवस्थामा लागु औषध गाँजा फेला परेको जिल्ला प्रहरी कार्यालय मकवानपुरले जनाएको छ ।

प्रहरीले गाँजा बोकेको एम्बुलेन्स र गाँजा नियन्त्रणमा लिईएको छ भने एम्बुलेन्स चालक तथा गाजा धनि फरार रहेकोले एम्बुलेन्सको चालक र गाँजा धनिको खोजतलास तथा आवश्यक अनुसन्धान जारी रहेको जनाएको छ ।