दुर्घटना न्युनीकरणका लागी प्रहरीको १दिने अनुशिक्षण      

२४ बैशाख, हेटौँडा ।  जिल्ला ट्राफिक प्रहरी कार्यालय मकवानपुरको आयोजना तथा हेटौंडा ११मा रहेको सामुदायिक प्रहरी सेवा केन्द्रको सहकार्यमा समुदाय प्रहरी साझेदारी कार्यक्रम अन्र्तगत सडकमा दुर्घटना न्युनीकरणका लागि सवारी चालकहरुलाई १दिने अनुशिक्षण  तथा लागुपदार्थ न्युनीकरण सम्बन्धी कार्यक्रम सम्पन्न गरेको छ ।
 सामुदायिक प्रहरी सेवा केन्द्रका अध्यक्ष शालिकराम पुडासैनीको सभाध्यक्षतामा सम्पन्न कार्यक्रममा प्रदेश नम्बर तीन प्रहरी कार्यालयका प्रहरी नायव उपरीक्षक मुकुन्द प्रसाद रिजालले लागुपदार्थ दुव्र्यसनी तथा त्यसको न्युनीकरणका बारेमा सहजीकरण गरेका थिए । 
त्यसैगरी कार्यक्रममा जिल्ला ट्राफिक प्रहरी कार्यालय मकवानपुर प्रहरी जवान काशीराम थापाले सडकमा सवारी चालकहरुले ध्यान दिनुपर्ने बिषयका साथै मादक पदार्थ सेवन गरी सवारी चलाउदा हुने खतराका बारेमा सहजीकरण गरिएको थिए ।  कार्यक्रममा जिल्ला ट्राफिक प्रहरी कार्यालयलेमकवानपुरले जिल्लामा २०७४।०७५मा सडक दुर्घटनामा सबैभन्दा बढी मोटर साइकल रहेको तथा सवारी दुर्घटना हुनुको मुख्य कारण चालको लापरबाहिले हुने गरेको तथ्याङ्क  प्रस्तुत गरिएको थियो । कार्यक्रममा जिल्ला ट्राफिक प्रहरी कार्यालयका प्रमुख बिरेन्द्र ठाकुर, पत्रकार सुनिल शिवाकोटी, नानिमैया सापकोटा लगायत ६० भन्दा बढि हलुका तथा भारी सवारी चालकहरुको उपस्थिति रहेको थियो ।