वर्तमान सरकारले काम गर्न सकेन : महत

२४ बैशाख, हेटौंडा । नेपाली कांग्रेसका सह-महामन्त्री प्रकाशशरण महतले बर्तमान सरकारले काम गर्न नसकेको बताएका छन् । 
नेपाली कांग्रेस मकवानपुर पार्टी कार्यालयमा भएको पत्रकार भेटघाटमा नेता महतले दुईतिहाईको सरकारले आफ्नो बाचा पूरा गर्न नसकेको बताए । काम गर्न चन्दा पनि विकृतितर्फ यो सरकार अघि बढेको उनको भनाइ छ । भ्रष्टाचार, असुरक्षा यहि सरकारको पालामा अत्याधिक बढेपछि यसलाई रोक्न कुनै पहल नभएको बताउँदै उनले सरकारको यस्तो लाचारीपन विरूद्घ कांग्रेसले खबरदारी गर्ने बताए । सरकारको गलत कामको खबरदारी र जनतालाई सु-सुचित गराउन कांग्रेसले जागरण अभियान थालेको उनले जानकारी दिए ।
बैशाख २५ गते हेटौंडाबाट शुरु हुने अभियान पहिलो चरणमा एक महिना सञ्चालन हुने नेपाली कांग्रेस  मकवानपुर सभापति इन्द्र बहादुर बाँनियाले जानकारी दिनुए। बुधबार हेटौंडामा अभियानको उद्घाटन भए पश्चात विभिन्न जिल्ला समितिहरुले आ आफ्ना अभियान चलाउने जिल्ला पार्टी प्रवक्ता प्रदिप कोइरालाले जानकारी दिए । एक महिने कार्यक्रममा मकवानपुरका क्षेत्रीय समितिहरुले छुट्टा छुट्टै कार्यक्रम गर्ने कोईरालाको भनाई छ । 
नेपाल प्रेस युनियन मकवानपुरका अध्यक्ष कुमार अधिकारी पोष्टराजको अध्यक्षतामा भएको पत्रकार भेटघाट कार्यक्रममा नेपाली कांग्रेस मकवानपुरका उपसभापति विष्णु लामिछाने, सचिव बुद्ध लामा, आनन्द कठायत, कोषाध्यक्ष गोपिलाल विश्वकर्मा, सहसविच रामबाबु बानिया, पार्टी प्रवक्ता प्रदिप कोइराला, नेता भिमसेन महत लगाएतको उपस्थिति रहेको थियो ।