आईपीएलः चेन्नइलाई हराउँदै मुम्बई फाइनलमा

२५ वैशाख, हेटौँडा । मुम्बई इन्डियन्स भारतमा जारी इन्डियन प्रिमियर लिग (आईपीएल) को फाईनलमा प्रवेश गरेको छ । मंगलबाराति भएको पहिलो क्वालिफायरमा चेन्नई सुपर किंग्सलाई ६ विकेटले हराउँदै मुम्बई फाइनलमा पुगेको हो ।
चेन्नईस्थित एमए चिदम्बरम मैदानमा टस जितेर ब्याटिङ गर्ने निर्णय गरेको चेन्नईले २० ओभरमा ४ विकेट गुमाउँदै १३१ रन मात्रै बनाएको थियो । 
मुम्बईले १ सय ३२ रनको सामान्य लक्ष्य १८.३ ओभरमा ४ विकेटको क्षतिमा पुरा ग¥यो । मुम्बईको जितका लागी सुर्यकुमार यादवले ७१ रनमा अविजित रहे । मुम्बईले पहिलो ओभरको दोस्रो बलमै कप्तान रोहित शर्मालाई ४ रनमा गुमाएको थियो । 
तेस्रो विकेटका लागि सुर्य कुमार यादव र इशान किशनले ८० रनको उत्कृष्ट साझेदारी गरेपछि मुम्बईको जित पक्का बनेको थियो ।
मुम्बइको जितका लागी इशान किशनले २८, हार्दिक पान्ड्या १३ रन बनाए । चेन्नईका लागि इमरान ताहिरले २, दिपक चाहर र हरभजन सिंहले समान १ विकेट लिए ।
यसअघि टस जितेर ब्याटिङ गर्ने निर्णय गरेको चेन्नइका लागी अम्बाती रायुडुले अविजित ४२ रन,  कप्तान महेन्द्रसिंह धोनीले अविजित ३७ रन बनाए भने मुरली विजयले २६ रन जोडेका थिए । 
अव बुधबार दिल्ली क्यापिटल्स र सनराइजर्स हैदरावादबीच एलिमिनेटर खेल हुने छ । विजेताले चेन्नईसँग दोस्रो क्वालिफायर खेल्ने छ ।
दोश्रो क्वालिफायरको विजेता टोलीले उपाधिको लागि मुम्बई इन्डीयन्ससँग आइतबार भिड्ने छ । (एजेन्सी)