वर्तमान सरकार हास्य कलाकारले भरिएको छ : नेता केसी

२५ बैशाख, हेटौँडा । नेपाली कांग्रेसका केन्द्रीय सदस्य अर्जुन नर सिंह केसीले प्रधानमन्त्री ओली तथा उनी नेतृत्वको सरकार भ्रमको खेती गर्ने र उखान टुक्का सुनाउदै  काम भन्दा गफ गर्ने हास्यकलाकारहरुले भरिएको बताएका छन । 
 बुधबार कांग्रेस मकवानपुरको आयोजनमा सुरु भएको राष्ट्रिय जनजागरण अभियान कार्यक्रमको उद्घाटन गर्दै केसीले दुई तिहाईको सरकार लोकतन्त्रको आबरणमा निरङकुशता लाद्ने यात्रामा रहेको आरोप लगाउदै प्रधानमन्त्री ओली तथा उनी नेतृत्वको सरकार भ्रमको खेती गर्ने,उखान टुक्का सुनाउदै तथा काम भन्दा गफ गर्ने हास्यकलाकारहरुले भरिएको बताएका हुन । 
 उनले कार्यक्रममा बोल्दै कांग्रेस अब नेकपासंग प्रतिस्पर्धामा रहने भन्दै कार्यकर्तालाई जनजागरण अभियान लाग्न निर्देशन दिएका छन ।
नेता केसीले अपराधीलाई संरक्षण दिइरहेको सरकार अब सेना परिचालनको अधिकार समेत आफ्नो नेतृत्वमा राखेर सत्ता कव्जाको तयारीमा रहेको उहाँको आरोप छन   ।   
नेपाली काग्रेस मकवानपुरका सभापती एवम् प्रदेश ३ कांग्रेस संसदीय दलका नेता इन्द्रबहादुर बानियाँको सभाअध्यक्षतामा भएको कार्यक्रममा
  काग्रेसका नेतृ रिता खनाल, उमा दाहाल, पार्टी सचिब बुद्ध लामा, कोषाध्यक्ष गोपि बिश्वकर्मा, जिल्ला समिति महिला विभाग प्रमुख अमृता थापा मगर लगायतकाले मन्तव्य व्यक्त गरेको थिए  । कार्यक्रममा जिल्ला सदस्य, भातृ संगठन कांग्रेस क्षेत्रिय तथा गाउपालिका सभापति लगायत करिव ५०० जनाको उपस्थिति रहेको थियो ।
कार्यक्रममा नेकपा तथा राप्रपा परीत्याग गरी करिब ५० जनापार्टी कांग्रेस प्रवेश गरेका थिए । नवप्रवेशिहरुलाई प्रमुख अतिथी नेपाली कांग्रेसका केन्द्रीय सदस्य अर्जुन नर सिंह केसी तथा नेपाली काग्रेस मकवानपुरका सभापत्ति एवम् प्रदेश ३ कांग्रेस संसदीय दलका नेता इन्द्रबहादुर बानियाँले टिका लगाएर स्वागत गरेका थिए ।