मकवानपुर प्रहरीको सफलता १ किलो भन्दा बढी सुन सहित मानिस पक्राउ

२६ बैशाख, हेटौँडा ।  लागु पदार्थ नियन्त्रणमा नाम कमाउन सफल भएको मकवानपुर प्रहरीले संभवत पहिलो पटक अवैध १ किलो सुनसहित एकजना मानिस पक्राउ गरैसंग यति बेला मकवानपुर प्रहरी तारिफ योग्य बनेको छ ।  
मकवानपुर  प्रहरीले बिहिबार कार्यालय परिसरमा पत्रकार सम्मेलन गरी अवैध १ किलो सुनसहित  पक्राउ परेको मानिसलाई सार्वजनिक गरेको छ । पत्रकार सम्मेलन बिहिबार बिहान काठमाडौंबाट हेटौँडा भएर वीरगञ्जतर्फ जाँदै गरेको ना ८ ख ३७९३ नम्बरको बस पूर्वपश्चिम राजमार्ग अन्तर्गत हेटौँडा १५ रातमाटेमा चेकजाँचका गर्दा बसमा सवार  भोजपुर षडानन्द नगरपालिका ४ का २९ वर्षका ल्वागुन बिकलाई  १ किला ६ सय ४९ ग्राम ८ सय ९० ग्राम सुनसहित  प्रक्राउ गर्न सफल भएको  जनाएको छ । 
इलाका प्रहरी कार्यालय पशुपतिनगरका प्रहरी निरीक्षक अरुणकुमार कुशुवाहको टोलीले हेटौँडा भएर वीरगञ्जतर्फ जाँदै गरेको ना ८ ख ३७९३ नम्बरको बसलाई  हेटौंडा १५ रातोमाटेबाट चेकजाच गर्ने क्रममा सुनसिहत बिकलाई पक्राउ गरिएको जिल्ला प्रहरी कार्यालय मकवानपुरका प्रहरी प्रमुख प्रहरी उपरीक्षक मुकेशकुमार सिंहले जनाएका छन । पत्रकार सम्मेलनका मकवानपुरका प्रहरी प्रमुख प्रहरी उपरीक्षक  सिंहले विकले ल्याएको सुनका मुल्य  बिहिबारको नेपाली बजार करिब ८५ लाख ८६ हजार २६ रुपैयाँको रहेको बताए । पक्राउ परेको सुन र कारोबारमा संलग्न रहेका बिकलाई राजश्व अनुसन्धान कार्यालय पथलैया बुझाइने मकवानपुर प्रहरीले जनाएको छ ।मकवानपुर प्रहरीले केही दिन अघि ट्रक तथा एम्बुलेन्सबाट लागु औषध गाजाँ बरामद गरेको थियो ।