हुप्रचौरलाई रंगशालाको रुपमा विकास गर्नु हुन्नः महत

२७ वैशाख, हेटौँडा । हेटौंडा रंगशाला निर्माण समितिका अध्यक्ष भिमसेन महतले हेटौंडाको लोकतान्त्रिक हुप्रचौरमा रंगशाला बनाउन नहुने बताएका छन् । उनले हुप्रचौरमा लगानी गर्ने भनिएको रकमले वनविज्ञान अध्ययन संस्थानको फरेष्ट्रि खेल मैदानमा प्याराफिट बनाउन आग्रह गरेका छन् ।
विहिबारन पत्रकार सम्मेलन गर्दै नेपाली कांग्रेसका नेता समेत रहेका महतले हुप्रचौरमा स्थानीय माग अनुसार नै खुल्ला मैदानको रुपमा राख्न पर्ने बनाउँदै प्याराफिट बनाउँदा स्थानीयहरुलाई प्रवेशमा समेत कठिनाई हुने उल्लेख गरे । अध्यक्ष महतले नेपाल सरकारले हेटौंडा ६ गौरिटारमा केन्द्रीय खेलकुद प्रतिष्ठान निर्माणे गर्ने भनिएता पनि काम निकै सुस्त भएको बताए ।
उनले गौरिटारमा बन्ने प्रतिष्ठान खेलकुद विद्यालयको रुपमा बन्ने भएकोले उक्त स्थानमा मकवानपुरबासीले खेलकुद गतिविधि गर्ने भन्दा पनि राष्ट्रिय स्तरका बन्द प्रशिक्षणहरु हुने भएकाले मकवानपुरबासीको लागि हेटौंडा मै एउटा सुबिधा सम्पन्न रंगशाला आवश्यक रहेको उल्लेख गरे । 
महतले हेटौंडा रंगशाला २०७३ असार ३ गते बसेको सर्वदलिय, सर्वपक्षिय भेलाले १७ सदस्ययी हेटौंडा रंगशाला निर्माण समिति गठन गरेको जानकारी दिँदै वन विज्ञान अध्ययन संस्थानको पश्चिम राप्ती खोला र कर्रा खोलाको दोभानमा उपयुक्त जग्गा रहेकोले उक्त स्थानमा समेत रंगशालन निर्माण गर्न सकिने बताए । 
उक्त समितिले वन विज्ञान अध्ययन संस्थानको पश्चिम राप्ती खोला र कर्रा खोलाको दोभान क्षेत्रको नापनक्सा गर्दा करिब १६ विगाह जमिन मध्ये ४ विगाहमा रंगशाला निर्माण गर्न सकिने देखिएपछि तयारी समेत गरेको थियो । तर योजना आर्थिक अभावले स्थगित भएको अध्यक्ष महतले जानकारी दिए ।