रिलायन्स स्कुलमा निर्वाचन सम्पन्न

२७ वैशाख, हेटौँडा । हेटौँडा उपमहानगरपालिका वडा नम्बर ५ मा रहेको रिलायन्स इङग्लिस सेकेन्डरी बोर्डीङ स्कुलले अन्तर सदन व्यवस्थापनका लागी निर्वाचन सम्पन्न गरेको छ । 
विद्यालयमा रहेका चार वटा  विभिन्न सदन र विद्यालयको स्टुडेन्ट काउन्सिलका सभापति र उपसाभापतिको निर्वाचन सम्पन्न गरेको हो । शुक्रबार भएको निर्वाचन प्रकृयाबाट विद्यालयको स्टुडेन्ट काउन्सिलका सभापतिमा कक्षा आठमा अध्यनरत सुभास घिसिङ निर्वाजित भएका छन् । 
यस्तै उपसभापतिमा कक्षा नौका  अमन खडका निर्वाचित भए । यसैगरी सदन अन्तरगत रेड हाउसको सभापतिमा अग्रिम लामा, उपसभापतिमा युजेन श्रेष्ठ, यल्लो हाउसको सभापतिमा स्ुविना पाख्रिन, उपसभापतिमा आश्मा बस्नेत, ग्रिन हाउसको सभापतिमा अनुप गुरुङ, उपसाभापतिमा पुस्पा झा र ब्लु हाउसको सभापतिमा देवेन्द्र दोङ, उपसाभापतिमा आकृस मिश्र निर्वाचित भएका छन् । 
िनर्वाचनको सम्पूर्ण प्रकृया अपनाई निर्वाचन गरिएको विधालयका कार्यक्रम संयोजक सुजिता श्रेष्ठले जानकारी दिइन । मतदान हरेक नागरिकको हक र अनिवार्य दायीत्व भन्ने जानकारी दिन पनि निर्वाचन गरिएको श्रेष्ठले बताइन ।
निश्पाक्ष निर्वाचन प्रकृयाबाट विद्यालयको विभिन्न सदन र विद्यालयको स्टुडेन्ट काउन्सिलका सभापति र उपसाभापतिको चयनबाट विद्यार्थीहरुमा उत्साहा बढेको र निर्वाचन प्रकृयाका बारेमा सिक्ने अवसर समेत प्राप्त गरेको विद्यालयका संस्थापक प्रचार्य केशवलाल श्रेष्ठले बताए । 
निर्वाचन प्रकृयामा कक्षा ५ देखी १० सम्मका विद्यार्थीहरुले सहभागिता जनाएका थिए ।