यौनजन्य क्रियाकलापमा संलग्न भन्दै होटल मालिक सहित २ पक्राउ

२७ बैशाख, हेटौँडा । हेटौँडा बजारको होटलहरुमा यौनजन्य क्रियाकलाप हुने गरेको छ भन्ने विभिन्न संचारमाध्यममा समाचार प्रकाशन भएपछि मकवानपुर प्रहरीले त्यसको नियन्त्रणमा सक्रिया देखाएको छ । 
यसै क्रममा जिल्ला प्रहरी कार्यालय मकवानपुरबा खटि गएको प्रहरी टोलिले हेटौंडा–१० बसपार्कमा रहेको घलान होटल एण्ड लजमा यौनजन्य तथा अनैतिक क्रियाकलाप गर्न गराउन सहयोग गरेको भन्दै होटल सञ्चालक तथा होटलका काम गर्ने १ गरी दुई जनालाई पक्राउ गरेको छ ।
यौनजन्य क्रियाकलाप भईरहेको छ भन्ने सुचनाको आधारमा प्रहरीको विशेष टोलि बिहीवार प्रहरीले घलान होटल पुग्दा होटलको कोठा नम्बर ७ मा यौनजन्य क्रियाकलाप संलग्न महिला तथा पुरुषलाई आपत्तिजनक अवस्थामा फेला परे पछि होटल संचालक तथा कामदारलाई नियन्त्रण लिएको मकवानपुर प्रहरी प्रवक्ता प्रहरी निरीक्षक सागर विक्रम राणाले जानकारी दिए ।
पक्राउ पर्नेमा होटल सञ्चालक हेटौंडा उपमहानगरपालिका–२ स्ने ३७ वर्षीय गणेश बहादुर घलान तथा होटलका कामदार हेटौडा उपमहानगरपालिका–२ बस्ने ४१ वर्षीय श्रीकृष्ण खड्गेलाई पक्राउ गरिएको जिल्ला प्रहरी कार्यालय मकवानपुरले जनाएको छ  
त्यसैगरी प्रहरीले आपत्तिजनक अवस्थामा फेला परका जोडिलाई पनि पक्राउ गरेको छ । पक्राउ गरिएका महिला र पुरुषको नाम भने गोप्य राखिएको छ । 
प्रहरीले पक्राउ परेका सञ्चालकसहित अन्य दुईजनालाइ  सार्वजनिक हित, स्वास्थ्य, सुरक्षा, सुबिधा र नैतिकता विरुद्धको कसुर अपराध मुद्दा जिल्ला अदालत मकवानपुरमा दर्ता गराएको  जनाएको छ ।