वडाध्यक्ष न्यौपानेको प्रयास,हेटौँडा १ सञ्चमायाको डाँडामा स्वास्थ्यचौकी शिलान्यास

२८ बैशाख, हेटौँडा ।  हेटौँडा उपमहानगरपालिको भित्रै रहेको सर्वासाधरणले  स्वास्थ्थ उपचारका लागि घण्टौ हिडनुपर्छ भन्ने सुन्दा अचम्म लाग्न सक्छ । 
 यो कुरा सत्य हो हेटौँडा वडा नम्बर १ का वडाबासिले स्वास्थ्थ उपचारका लागि घण्टौ हिडनुपर्ने बाध्यता थियो । जोखिमपुर्ण बाटो तथा स्वास्थ्थ संस्थाको अभावले उक्त वडाका वडाबासि स्वास्थ्थ उपचारका लागि हेटौँडा बजार आइपुग्न घण्टौ हिडनुपथ्थो तर अब यो बाध्यताको अन्त्य भएको छ ।   हेटौंडा उपमहानगरपालिकाको–१ नम्बर वडाको सञ्चमायाको डाँडामा शनिबार स्वास्थयचौकीको  शिलान्यास  भएसंगै अब यस बाध्यताको अन्त्य भएको हो  । 
शनिबार एक कार्यक्रमकाबीच हेटौंडा उपमहानगरपालिकाका मेयर हरिबहादुर महत, उपमेयर मीनाकुमारी लामा, १ नम्बर वडा अध्यक्ष सविन न्यौपानेले संयुक्त रुपमा शिलान्यास गरेका हुन् । उपमहानगरपालिका र स्थानीयको लागत सहभागितामा करिब ६० लाख रुपैयाँ खर्चिएर स्वास्थ्य चौकी निर्माण गर्न लागिएको हो ।
 स्वास्थ्य चौकी निर्माणको लागि हेटौंडा उपमहागरपालिकाले ४८ लाख रुपैयाँ र स्थानीयको लागत सहभागिताबाट १२ लाख रुपैयाँ गरी ६० लाख रुपैयाँ खर्च हुने  वडाध्यक्ष सविन न्यौपानेले बताए । वडाध्यक्ष न्यौपानेले स्वास्थ्य चौकी निर्माण भएपश्चात १ नम्बर वडाका नकौली, लामीडाँडा, घट्टखोला, माथिल्लो मैनटार र १९ नम्बर वडाका केही क्षेत्रका बासिन्दाहरु लाभान्वित हुने र स्वास्थ्य चौकी निर्माण पश्चात १ नम्बर वडा र १९ नम्बर वडाका गरी ४ हजार जनाले प्रत्यक्ष रुपमा सेवा लिन सक्ने वडा अध्यक्ष न्यौपानेको बताए । 
हेटौँडा नगर भित्रै रहेर स्वास्थ्थ उपचारका लागि घण्टौँ हिडेर हेटौँडा बजार जानुपथ्र्थो अब त्यो बाध्यताको अन्त्य हुने स्वास्थयचौकीको  शिलान्यास कार्यक्रममा भेटिएका अमित देवकोटाले बताए । देवकोटाले वडाध्यक्षको विशेष पहल र उपमहानगरपालिकाको सहकार्यका लागि धन्यवाद समेत दिए  स्वास्थ्य चौकी जेठ मसान्तसम्ममा निर्माण सम्पन्न गर्ने लक्ष्य लिइएको छ ।