भीमफेदी बालगृहमा १३० विद्यार्थीको स्वास्थ्य परीक्षण

१६ मंसिर, हेटौँडा । मकवानपुरको भीमफेदीस्थित बालगृहमा आयोजित निशुल्क स्वास्थ्य शिविरमा स्थानीय विद्यालयमा अध्ययनरत विद्यार्थीहरुको स्वस्थ्य जाँच गरिएको छ ।

नेपाल बाल संगठन मकवानपुरले बिहीबार आयोजना गरेको शिविरमा बालगृहमा वस्दै आएका बालबालिका एवं स्थानीय विद्यालयमा अध्ययनरत वालिवालिकाको स्वास्थ्य जाँच गरिएको थियो । शिविरमा गरी एकसय ३० जनाको स्वास्थ्य जाँच र औषधि वितरण गरिएको थियो ।
शिविरको उद्घाटन गर्दै हेटौँडा सिमेण्ट उद्योग लिमिटेडका अध्यक्ष एवं नेपाली काँग्रेस मकवानपुरका निवर्तमान सभापति रघुरमण न्यौपानेले बालबालिकाको स्वास्थ्य राम्रो भएमा राज्यले स्वस्थ नागरिक पाउने बताउँदै असहाय बालबालिकालाई सहयोग गर्नु समाजका दायित्व भएको बताए ।
संगठनका कार्यबाहक सभापति रमेश गिरीको अध्यक्षतामा भएको कार्यक्रममा कार्यक्रम संयोजक रामआधार पाण्डेले शिविर आयोजना गर्नुको उद्देश्यमाथि प्रकाश पारेका थिए ।
शिविरमा डाक्टरहरु अनिलकुमार श्रेष्ठ, सुरज ढकाल, महमद जफर आलम, विजय खनाल र विकास भट्टराईले स्वास्थ्य जाँच गरेका थिए । शिविरमा बालबालिकामा टाउको, आँखा, पेट, मौसमी विरामीहरु बढी संख्या भेटिएको कान्ति वालअस्पतालका बालरोग विशेषज्ञ अनिलकुमार श्रेष्ठले जानकारी दिए ।