परराष्ट्रविद हिरण्यलाल श्रेष्ठलाई हेटौँडामा सम्मान

२९ वैशाख, हेटौँडा ।  मकवानपुरको भीमफेदीमा जन्मिएका परराष्ट्रविद हिरण्यलाल श्रेष्ठलाई हेटौँडामा सम्मान गरिएको छ । नेवा सास्कृतिक पुचःको अगुवाईमा शनिवार श्रेष्ठलाई सम्मान गरेकोे हो । 
परराष्ट्रबिद श्रेष्ठ दम्पतिलाई नै रथमा राखि बाजागाजाका साथ बजार परिक्रमा गराइएको थियो । श्रेष्ठको जन्म भएको ७७ वर्ष ७ महिना ७ दिनको पुगेको अवसर पारी पुचःले श्रेष्ठलाई सम्मान गरेकोे हो ।
पुचः सहित पिएम सेन्टर तथा हेटौँडा वापौँ साप्ताहिकको तर्फबाट पनि उनलाई सम्मान गगएिको थियो । 
कार्यक्रमका प्रमुख अतिथि रहेका प्रदेश नंबर ३ का सभामुख सानुकुमार श्रेष्ठले परराष्ट्रविद श्रेष्ठलाई सम्मानपत्र हस्तान्तरण गर्दै सम्मान गरेका हुन् । कार्यक्रममा प्रदेश सभा सदस्य जुनेली श्रेष्ठ लगायत स्थानीय नेवार समुदायका अगुवाहरुको उपस्थिती रहेको थियो
हाल मकवानपुरको हेटौँडामा घर भएका श्रेष्ठले नेपाली संस्कृती, भाषा, पत्रकारिता, प्रगतिशिल आन्दोलन लगाएतको क्षेत्रमा मकवानपुरलाई मात्र नभएर देशलाईनै चिनाउन सफल भएको भन्दै पुचले सम्मान प्रदान गरेको पुचःका मकवानपुर अध्यक्ष विष्णुगोपाल महर्जनले बताए । 
१९९८ मा मकवानपुरको भीमफेदीमा जन्मिएका श्रेष्ठ नेपालको तर्फबाट रुसको राजदुत भएका थिए भने मकवानपुरबाट दुई पटक सांसद भएका थिए ।