सडक सुरक्षा सम्बन्धी गोष्ठी सम्पन्न

२९ वैशाख, हेटौँडा । सवारी दुर्घटना धेरै बढ्न थालेपछी जनचेतना जगाउने उदेस्यले सडक सुरक्षाका सम्बन्धमा आइतबार हेटौंडामा गोष्ठीको आयोजना गरिएको छ । 
सडकमा हुने सवारी दुर्घटनामा दिनहुँजसो मानिशको मुत्यु हुनेक्रम बढ्न थालेपछी सप्ताहब्यापी रुपमा यस्ता कार्यक्रम गर्दै जनचेतान जगाउनका लागि सहज होस भन्ने उदेस्यले हेटौंडामा कार्यक्रम गरिएको हो । 
नेपाल इन्जरी अनुसंधान केन्द्रको आयोजनामा मकवानपुरका संचारकर्मीहरु संग सडक सुरक्षाका बिषयमा कार्यक्रम गरिएको हो । संचार क्षेत्रले सडक सुरक्षाका सम्बन्धमा कलम चलाउँदा यसको सुरक्षामा थप सहयोग पुगोस भन्ने उदेस्यले कार्यक्रम गरिएको हो । 
कार्यक्रमको उध्घाटन् गर्दै हेटौंडा उपमहानगरपालिकाका मेयर हरिबहादुर महतले लापरवाही ढंगले सवारी हाक्नेलाई कडा कार्बाही गरेमा मात्र सवारी दुर्घटना कम हुन सक्ने बताउनुभयो । मापसेका कारण पनि सवारी दुर्घटना बृद्धी भएको उनले बताउनुभयो । 
राजमार्गका सडक फराकिलो नहुँदा पनि सवारी दुर्घटनाको जोखिम निकै बढेको उनको भनाई छ । सडक कार्यालयले सडक निर्माण गर्छ तर, फुटपाथ निर्माण नहुँदा पैदलयात्रीहरु सडकबाटै हिड्नुपर्दा पनि सवारी दुर्घटना बढेको मेयर महतले बताए ।
कार्यक्रममा नेपाल पत्रकार महासंघ प्रदेश नम्बर ३ का अध्यक्ष प्रताप बिष्ट, जिल्ला अध्यक्ष हरि हुमागाई लगायतकाको सहभागिता रहेको थियो ।