नर्सिङ दिवस हेटौँडामा पनि मनाइयो

२९ वैशाख, हेटौँडा । अन्तर्राष्ट्रिय नर्सिङ्ग दिवसको अबसरमा मकवानपुरमा पनि बिभीन्न कार्यक्रम गरी मनाइएको छ । नेपाल नर्सिङ्ग संघ मकवानपुरको आयोजनामा हेटौंडामा ¥याली, सभा र रक्तदान गरेर कार्यक्रम मनाइएको हो । 
बिशेषगरी आफ्नो काम संगै सामाजिक पेसाको रुपमा लिइने नर्सिङ पेसामा आबद्ध महिलाहरुले आज रगत समेत दान गरेकाछन् । 
कार्यक्रमको उद्घाटन गर्दै हेटौंडा उपमहानगरपालिकाका मेयर हरिबहादुर महतले नर्सहरु बिरामीको सेवामा अझै उत्प्रेरीत भएर लाग्नका लागि स्थानीय सरकारले सहयोग गरिने बताए । नर्सहरुको संस्थागत बिकासका लागि आफुलागि पर्ने मेयर महतले प्रतिबद्धता व्यक्त गरे । 
सधै बिरामीको सेवामा लागिरहने मकवानपुरका नर्षहरुले नर्सिङ दिवशका अबसरमा पनि बिरामीका लागि रगत दान गरेर यो दिवश मनाएका हुन् । 
औपचारिक कार्यक्रम सुरु हुनु अगाडी हेटौंडा अस्पतालबाट निकालीएको ¥यालीले बजार परिक्रमा गरेर बुद्धचोकमा आएर सभामा परिणत भएको थियो । 
नर्सिङ्ग संघ मकवानपुरका अध्यक्ष कुन्ता दाहालको अध्यक्षतामा भएको कार्यक्रममा संघका केन्द्रीय सदस्य रमेश सुब्बा, नसिंङ्ग कलेज मकवानपुरका प्रमुख रत्न गुरागाईं, नेपाल हृदयरोग निवारण प्रतिष्ठान मकवानपुरका अध्यक्ष हरिबंश भेटवाल लगायतकाले मन्तब्य ब्यक्त गरेका थिए । फोटोः कुन्ता दाहालको फेसबुक वालबाट