कांग्रेसले सोमबारको प्रदेश संसद अवरुद्ध गर्ने संकेत

२९ बैशाख, हेटौंडा । नेपाली कांग्रेसले सोमबारको प्रदेश सभा बैठक कांग्रेसले सोमबारको प्रदेश संसद अवरुद्ध गर्ने संकेतक अवरुद्ध गर्ने संकेत गरेको छ । आइतबार भएको कार्य व्यवस्था परामर्श समितिको बैठकमा कांग्रेसले यस्तो संकेत दिएको हो । 
संसद सचिवालयमा बसेको समितिको बैठकमा प्रमुख प्रतिपक्षी दलका नेता ईन्द्रबहादुर बानियाँले स्थायी राजधानीको प्रस्ताव ल्याउनु पर्नेमा जोड दिएका थिए । बैठकमा कांग्रेसका प्रतिनिधिहरूले प्रदेशको राजधानीको प्रस्ताव ल्याउन सभामुखको ध्यानाकर्षण गराएका थिए । 
बैठकपछि प्रतिक्रिया दिंदै कांग्रेसका सचेतक छिरिङ दोर्जे लामाले सोमबारको संसदमा राजधानीको प्रस्ताव ल्याउन सशक्त दवाव दिने बताए । उनले दवावको तरिकाबारे सोमबार कांग्रेसले तय गर्ने उनको भनाई छ । हिउँदे अधिवेशनमा कांग्रेसको दवावका कारण राजधानीको विषयले संसदमा प्रवेश पाए पनि प्रक्रियाका लागि गठन गर्ने भनिएको समिति गठनमा सभामुख उदासिन देखिए । 
सभामुखले संसद स्थगित गरेपछि सरकारले प्रतिवद्धता विपरित अधिवेशन अन्त्य गर्पछि कांग्रेस सभामुख र सरकारप्रति रुष्ट छ । यसअघि नै नेता बानियाँले सरकारले राजनैतिक बेईमानी गरेको भन्दै संसद अवरुद्ध गर्ने चेतावनी दिएका थिए । संसद शुरू हुनु अघि कुनै सहमति नभएको सोमबारको संसद हुन सक्ने कांग्रेस स्रोतको दावि छ ।
संसदको बर्षे अधिवेशन सोमबार दिउँसो १ बजे बस्दै छ ।