आईपीएलको उपाधि मुम्बईलाई

३० वैशाख, हेटौँडा । चेन्नई सुपर किंग्सलाई १ रनले हराउँदै मुम्बई इन्डियन्सले १२ औँ संस्करणको आईपीएलको उपाधि जितेको छ । यो जित संगै मुम्बई आइपिएलमा सबैभन्दा सफल टिम समेत बनेको छ । उसले यो संस्करण सहित मुम्बइले ४ पटक उपाधि जितेको छ ।  
मुम्बईको जितका लागि केइरन पोलार्डले सवाधक ४१ रन बनाए । यस्तै ओपनर क्वीन्टन डि ककले २९, इशान किसनले २३, हार्दिक पाण्ड्याले १६ रन बनाए भने रोहित शर्मा र सूर्यकुमार यादवले १५–१५ रन बनाए । बलिङतर्फ चेन्नईका लदिपक चहरले तीन विकेट लिए भने शार्दुल ठाकुर र इमरान ताहिरले २–२ विकेट लिए । 
१५० रनको लक्ष्य पछ्याएको चेन्नई २० ओभरमा ७ विकेट गुमाउँदै १४८ रन मात्र बनाउन सक्यो । चेन्नईका लागि शेन वाट्सनले ८० रनको योगदान दिए । उनले ५९ बलमा आठ चौका र चार छक्का प्रहार गरेका थिए । 
यस्तै चेन्नईका लागि फाफ डु प्लेसिसले २६, ड्वाइन ब्राभोले १५ रन जोडे पनि अन्य कुनै पनि ब्याट्सम्यानले दोहोरो अंकको रन समेत बनाउन सकेनन् । सुरेश रैना ८, आम्बाती रायडू १, महेन्द्र सिंह धोनी २ रनमा आउट भए ।
बलिङतर्फ मुम्बईका लागि जस्प्रित बुम्राहले दुई विकेट लिए भने कुनाल पाण्ड्या, लसिथ मलिंगा र राहुल चहरले एक÷एक विकेट लिए । चेन्नईका दुई ब्याट्सम्यान रनआउट भएका थिए । 
चेन्नईका लागि शेन वाटसनले विस्फोटक ब्याटिङ गर्दै ८० रन बनाए पनि उपाधि जिताउन भने सकेनन् । वाटसन आउट भएपछि चेन्नईलाई जितका लागि ४ रनको आवश्यकता थियो । अन्तिम दुई बलमा चेन्नईले केवल दुई रन मात्र बनाउन सक्यो । (एजेन्सी)