शताब्दी पुरुष जोशीलाई नगरपरिक्रमा सहित सम्मान

३१ वैशाख, हेटौँडा । शताब्दी पुरुष सत्यमोहन जोशीलाई ललितपुरमा नगर परिक्रमासहित सम्मान गरिएको छ । सोमबार सय वर्षमा प्रवेश गर्नु भएका शताब्दी पुरुष जोशीलाई ललितपुर महानगरपालिकाको आह्वानमा बग्गीमा राखेर नगरपरिक्रमासहित सम्मान गरिएको हो ।
नगरपरिक्रमापछि आयोजित समारोहमा सरकारको तर्फबाट कार्यबहाक प्रधानमन्त्री ईश्वर पोखरेलले उनलाई सम्मान पत्र प्रदान गरेका थिए । नेपालको कला, भाषा, इतिहास, संस्कृति र साहित्यको क्षेत्रमा पु¥याउनु भएको योगदानको स्मरण गर्दै सरकारले उनलाई सम्मान पत्र हस्तारण गरेको हो ।
कार्यक्रमलाई सम्बोधन गर्दै कार्यबहाक प्रधानमन्त्री पोखरेलले उहाँलाई नेपालको जीवन्त सम्पदाको संज्ञा दिदै जोशीको दीर्घायू र चिरायूको कामना पनि गरे ।
उक्त अवसरमा जोशीद्धारा लिखित ६ वटा पुस्तकको सार्वजनिक गरिएको थियो । कार्यक्रममा बोल्दै शताब्दी पुरुष जोशीले आफूलाई दया, माया गरेर सबैले सम्मान गरेकोमा आभार व्यक्त गरे । उनले मुलुकलाई समृद्ध बनाउने अभियानलाई साकार बनाउन संस्कृतिको विकासमा जोड दिन पनि सबैलाई आह्वान गरे ।
नेपालको भाषा, साहित्य र संस्कृतिको क्षेत्रमा उल्लेख्य योगदान पु¥याउनु भएका जोशीको सय दिन प्रवेशको अवसर पारेर ललितपुर महानगरपालिकाले सोमबार सार्वजनिक विदा समेत दिएको थियो ।