मकवानपुरको राक्सिराङबाट ३८ किलो गाँजा सहित २ जना पक्राउ 

२जेठ,हेटौँडा।मकवानपुर प्रहरीले जिल्लामा भएर हुने लागुऔषध ओसारप्रसार तथा लागु औषध कारोबारमा निगरानी बढाएसंगै लागुऔषध ओसारप्रसारका घटनामा संलग्न कारोबारी तथा सवारीसाधनलाई प्रक्राउ गर्ने गरेको छ।प्रहरीको सकृयतामो लागुऔषध ओसारप्रसार तथा लागु औषध कारोबार पक्राउ गर्न दिनहु जसो लागु औषध नियन्त्रणका लागि अपरेसनमा गर्ने गरेको छ ।  
     
  यसै क्रममा बिहिबार मकवानपुर प्रहरीले ३८ किलो ४०० ग्राम लागु औषध गाँजा सहित २ जनालाई पक्राउ गरेको छ ।  राक्सिराङ गाउँपालिका आसपासको क्षेत्रमा लागु औषध गाजा ओसारप्रसार हुदै छ भन्ने प्राप्त सुचनाको आधारमा प्रदेश ३ प्रहरी कार्यालय तथा जिल्ला प्रहरी कार्यालय मकवानपुरबाट प्रहरी निरीक्षक पवन कुमार झाको कमाण्डमा खटि गएको संयुक्त प्रहरी टोलिले मकवानपुर राक्सिराङ गाउँपालिका वडा नं. १ गाल्सीराङ स्थित सडकखण्डमा गाउपालिकाको गाल्सीराङ तर्फबाट दुङगु तर्फ आउदै गरेको ना १ ज ७३७९ नम्बरको बोलेरो गाडीलाई रोकी चेकजाँच  गर्ने क्रममा गाडी भित्र लुकाई छिपाई राखेको सेतो र पहेंलो रङको २ वटा बोरामा ३८ किलो ४०० ग्राम लागु औषध गाँजा सहित ३ जनालाई पक्राउ गरेको जिल्ला प्रहरी कार्यालय मकवानपुरका प्रहरी नायब उपरिक्षक यज्ञप्रसाद भटराईले बताएका छन । 

पक्राउ पर्नेमा गाडी चालक  मकवानपुर राक्सिराङ गाउँपालिका वडा नम्बर ३ सरिखेत बस्ने  ४० बर्षीय राजकुमार गोले सोही गाडीमा सवार मकवानपुर राक्सिराङ गाउँपालिका वडा नम्बर ३ सरिखेत बस्ने ३४ बर्षीय सोम बहादुर स्याङतान रहेको प्रहरीले जनाएको छ । पक्राउ परेका २जना माथी  आवश्यक अनुसन्धान तथा कारबाही प्रकृया अगाडी बढाईएको प्रहरी नायब उपरीक्षक भटराईले जनाएका छन ।