विधेयकको विरोधमा मकवानपुरका पत्रकारहरुको सञ्चार साम्रगी प्रदर्शन

 ३ जेठ, हेटौँडा । मिडिया काउन्सिल विधेयकको प्रेस स्वतन्त्रता विरोधी प्र्रावधानको विरोधमा मकवानपुरका पत्रकारहरुले सञ्चार साम्रगी सहित प्रदेश ३का राजधानी हेटौँडामा प्रर्दशन गरेका छन । 
नेपाल पत्रकार महासंघ मकवानपुर शाखाको अगुवाईमा शुक्रबार  हेटौंडामा सञ्चार साम्रगी सहित  प्रदर्शन गरीएको हो । हेटौंडा४ सिमाचोकबाट सुरु भएको विरोध प्रदर्शन मकवानपुर उद्योग वाणिज्य संघमा पुगि पुनः सिमाचोकमा आएर कोणसभामा परिणत भएको थियो । 
 कोणसभामा बोल्दै नेपाल पत्रकार महासंघ प्रदेश नम्बर ३ का अध्यक्ष प्रताप बिष्टल सरकारले ल्याउन लागेको विधेयकमा व्यवस्था गरिएको जरिवाना तथा क्षतिपूर्ति सम्बन्धी व्यवस्थाले नेपालको स्वतन्त्र पत्रकारितामाथी अंकुश लगाउन खोजेको आरोप लगाएका छन ।  
त्यसैगरी पत्रकार महासंघ मकवानपुरका अध्यक्ष हरि हुमागाईंले विधेयक फिर्ता नभए सम्म आन्दोलन जारी रहने बताए । 
 कार्यक्रमा युनियनको मध्यमाञ्चल संयोजक तथा पत्रकार महासंघ मकवानपुरका पुर्वअध्यक्ष राममणि दाहाल,पत्रकार महासंघका प्रदेश ३ का महासचिव कृष्ण सारु मगर ,महासंघ मकवानपुरका अध्यक्ष हरि हुमागाई, प्रेस युनियन मकवानपुरका अध्यक्ष तथा महासंघ उपाध्यक्ष कुमार अधिकारीले पत्रकार महासंघका प्रदेश ३ का सल्लाहाकार गिरिजा अधिकारी लगायत  सञ्चारकर्मीहरुको सहभागिता रहेको थियो । 
यसै क्रममा मिडिया काउन्सिल गठनसम्बन्धी विधेयक र दर्ता हुन लागेको आमसञ्चार सम्बन्धी विधेयकले प्रेस स्वतन्त्रतालाई कुण्ठित गर्ने र संचारक्षेत्रलाई सरकारको भजनमण्डली बनाउने तथा आमसञ्चार विधेयकमा राखिएको प्रेस तथा अभिव्यक्ति स्वतन्त्रताविरोधी व्यवस्था हटाउनुपर्ने माग गर्दै नेपाल प्रेस युनियन मकवानपुरले प्रदेश ३को राजधानी हेटौँडामा बिहिबार विरोध प्रदर्शन गरेको थियो ।