वनस्खण्डीदेवी वन समूहमा शपथग्रहण सम्पन्न

३ जेठ, हेटौंडा । हेटौडामा रहेको वनस्खण्डी देवी सामुदायिक वन उपभोक्ता समूहका नवनिर्वाचित कार्यसमितिलाई  शुक्रवार एक कार्यक्रमका विच शपथग्रहण तथा प्रमाण पत्र वितरण गरिएको छ ।बैशाख २८ गते भएको निर्वाचनमा विजयी भएका कार्यसमितिलाई शपथग्रहण तथा प्रमाण पत्र वितरण गरिएको हो । 
नवनिर्वाचित कार्यसमितिलाई निर्वाचन समितिका संयोजक रामहरी चौलागाईले शपथ गराएका थिए भने मकवानपुरका डिभिजनल वा अधिकृत ईमनाथ पौडेलले प्रमाण पत्र वितरण गरेका थिए ।
बैशाख २८ गते भएको निर्वाचनमा अध्यक्ष भवसागर श्रेष्ठ, उपाध्यक्षमा मन्जु पौडेल, सचिवमा लक्ष्मी तिमल्सिना, सहसचिवमा राममान श्रेष्ठ र कोषाध्यक्षमा गोविन्दप्रसाद प्याकुरेल निर्वाचित भएका थिए । यसैगरी सदस्यहरुमा पासाङ डोल्मा योन्जन, मन्जु नेपाल, उर्मिला न्यौपाने, तारा भण्डारी, सुशिला कडेल र मिना पराजुली विजयी भएका थिए । 
मकवानपुरका डिभिजनल वन अधिकृत ईमनाथ पौडेलको प्रमुख आतिथ्यता एवम निर्वाचन समितिका संयोजक रामहरी चौलागाईको अध्यक्षतामा कार्यक्रम भएको थियो । कार्यक्रममा सामुदायिक वन उपभोक्ता महासंघ, मकवानपुरका अध्यक्ष साधुराम चौलागाई, डिभिजलन वन कार्यालय, मकवानपुरका सहायक वन अधिकृत अच्युत लामिछाने, समूहका नवनिर्वाचित अध्यक्ष भवसागर श्रेष्ठ, सुन्दर सामुदायिक वनका अध्यक्ष कमल लामा,संचारकर्मी रुपेश दुलाल, निर्वाचन समितिका सदस्य शम्भुप्रसाद न्यौपाने, सदस्य सचिव भीमसेन पौडेल लगायतले मन्तव्य व्यक्त गरेका थिए ।