मकवानपुर प्रहरीको अर्को सफलता

४ जेठ, हेटौँडा । मकवानपुर प्रहरी प्रमुख प्रहरी उपरीक्षक मुकेश कुमार सिंहले  मकवनापुर प्रहरी प्रमुखको जिम्मेवारी सम्हालेको ३ महिना नपुग्दै लागूऔषध गाँजा ,चरेश तथा अन्य लागुपदार्थ ओसारप्रसारमा कडीकडाउ गरेका छन । 
प्रहरी प्रमुख सिंहले जिल्ला तथा जिल्ला भएर हुने लागुऔषध ओसार प्रसार तथा कारोबारलाई निर्मुल पारिने बताएसंगै अहिले मकवनपुर प्रहरीले यसको नियन्त्रणमा व्यापक सक्रियता देखाएको छ ।
प्रहरीले दिनहु जसो सवारी जाँचलाई कडाई गर्दे लागुऔषध गाजा र चरेस सहित ओसारप्रसार संलग्न सवारी साधन नियन्त्रणमा लिने गरेको छ । यसैक्रममा शनिबार मकवानपुर प्रहरीले लागु औषध गाँजा सहित एक ट्रक र २ जनालाई नियन्त्रणमा लिएको छ । 
प्रहरीले कुखुराको दाना लोड गरिएको ट्रकबाट १ सय २० किलो लागूऔषध गाँजा सहित ट्रक चालक तथा,ट्रक धनी नियन्त्रणमा लिएको हो ।
प्रहरीले ट्रक चालक तथा,ट्रक धनी मकवानपुर राक्सिरांगका २८ बर्षिय सुकुलाल थिंग र ट्रकमै सवार अर्का स्थायी घर राक्सिरांग नै भई हाल चितवन बस्ने ३१ बर्षिय नमराज दर्जीलाई पक्राउ  गरीएको शनिबार जिल्ला प्रहरी कार्यालयमा पत्रकार सम्मेलन गर्दै जानकारी गराएको हो । 
प्रदेश ३ प्रहरी कार्यालयबाट प्राप्त सुचनाको आधारमा तथा जिल्ला प्रहरी कार्यालयबाट प्रहरी निरीक्षक पवन कुमार झाको कमाण्डमा  खटि गएको प्रहरी टोलीले नवलपुर स्थित सडकखण्डमा सवारी चेकजाँच गर्नेक्रममा चितवनबाट हेटौंडा तर्फ आउदै गरेको ना.३ ख ३७१५ नम्बरको ट्रकलाई चेकजाच गर्दा ट्रक भित्र विजय पलेट दानाको बोरामुनि लुकाएर ल्याएको अवस्थामा करिब ११ पोकामा १ सय २० किलो लागूऔषध गाँजा फेला पारेको मकवानपुर प्रहरी प्रमुख प्रहरी उपरीक्षक मुकेश कुमार सिंहले जानकारी दिएका छन । प्रहरीले पक्राउ परेका माथी आवश्यक अनुसन्धान जारी रहेको जनाएको छ ।