हेटौँडा उपमहानगरपालिकाको फेक आईडीबाट यस्तो पोष्ट भएपछि

४ जेठ, हेटौँडा । फेसबुक सबैलाई जोडने न्यु मिडिया अर्थात समाजिक संजाल नेपालमा १९९० को दशक पछि नेपालमा भएको कम्प्युुटर तथा ईन्टरनेटको विकास  त्यसैगरी २०००को दशकपछिको मोवाईल फोनमा भएको विकास पछि फेसबुक प्रयोगकर्ता बढदै गएका छन ।  समाजिक संजालको व्यापक प्रयोग र यसको पहुचले अहिले व्यक्ति, संघ संस्था, सरकारी तथा गैर सरकारी कार्यालयको फेसबुक आईडी बनाएर  आफ्नो गतिविधिको सुचना दिने गर्दछन । कतै यसको सहि सदुपयोग त कतै दुरुपयोग हुनेगरेका पाइएको छ । 
यसै क्रममा शनिबार दिउसो हेटौँडा उपमहानगरपालिकाको फोटो अंकित फेसबुक आइडिबाट एउटा पोष्ट शार्वजनिक भयो जसमा कार्यलयको सुचना, जानकारीको सट्टा ‘पहिला लिभिङ टुकेदर , दोस्रो कार्ट....आज बिहे जे गरेनी हुने? रबी लामिछाने र यीनका प्यानहरु???‘ लेखेको पाईयो । 
यस्तो पोष्ट देखेपछि हामीले हेटौडा उपमहानगरपालिका प्रमुख हरि बहादुर महतलाई बुझने प्रयास गर्यौ। उनले हेटौँडा  उपमहानगरपालिकाको फोटो प्रयोग गरेर फेक  आईडी बनाएर यस्तो पोष्ट गरेको बताए। उनले यस बिषयमा म आफै चकित परेको र यस पोष्ट र  यस्तो गलत कार्यको बारेका मकवानपुर प्रहरी उपरीक्षक मुकेश कुमार सिंहलाई जानकारी गराएको बताए । मेयर महतले यो कैसैले हेटौँडा उपमहानगरपालिकाको फोटो प्रयोग गरी हेटौँडा उपमहानगरपािलकालाई बदनाम गराउन यसो गरेको बताए । 
 यता मकवानपुर प्रहरी उपरीक्षक मुकेश कुमार सिंहले हेटौँडा  उपमहानगरपालिकाको फेक आईडी र त्यसका भएको पोष्टको बारेमा नगर प्रमुख महतबाट जानकारी आएको र यसको बारेमा अनुसन्धान थालिएको बताएका छन ।  

यता यस्तो पोष्ट शार्वजनिक भए लगतै हेटौंडा उपमहानगरपालिकाले सुचना प्रकाशित गर्दै उपमहानगरपालिकाको आधिकरीक फेसबुक पेज “हेल्लो हेटौंडा उपमहानगरपालिका“ मात्र हो, यस बाहेक अन्य कसैले हेटौंडा उपमहानगरपालिका संग मिल्दा जुल्दा नाम तथा पेज बनाइ संचालन गरेको पाईएकोले तेस्ता पेज हरू तत्काल बन्द गर्न अनुरोध गरेको छ ।