मिडिया काउन्सिल विधेयकले प्रेस स्वतन्त्रतालाई कुण्ठित गर्‍यो :नेता बानिया

७ जेठ, हेटौँडा । कांग्रेस मकवानपुर सभापति एवं प्रदेश नम्बर ३ संसदिय दलका नेता  ईन्द्रबहादुर बानियाँले सरकारले जारी गर्न लागेको मिडिया काउन्सिल गठनसम्बन्धी विधेयकले प्रेस स्वतन्त्रतालाई कुण्ठित गर्ने काम गरेको आरोप लगाएका छन ।  चलचित्र पत्रकार संघ मकवानपुरले १७ औँ चलचित्र पत्रकारिता दिवसको अवसरमा  मंगलबार हेटौँडामा आयोजित चलचित्र पत्रकारिता सम्मान तथा पुरस्कार वितरण कार्यक्रमलाई सम्बोधन गर्दे नेता बानियाले यसो बताएका हुन । 
उनले कांग्रेसले सदनबाट यस सरकारले जारी गर्न लागेको मिडिया काउन्सिल गठनसम्बन्धी विधेयकको विरोध गर्ने बताएका छन । नेता बानियाँले पत्रकारहरुले पत्रकारीताको सिद्धान्त अनुरुपमा काम गर्नुपर्ने बताउदै केही पत्रकारहरुको पित पत्रकारीताले गर्दा सिङ्गो पत्रकारीता क्षेत्र बदनाम भएको बताए ।
चपस मकवानपुरका अध्यक्ष मणीराज  गौतमको सभाध्यक्षतामा भएको कार्यक्रममा प्रदेश ३ संसद प्रेम बहादुर पुलामी,न्यूनतम पारिश्रमिक निर्धारण समितिको अध्यक्षमा पराजुली ,लगायत नेपाल पत्रकार महासंघका केन्द्रीय वरिष्ठ उपाध्यक्ष बिपुल क्षेत्री लगायतले मन्तव्य व्यक्त गरेका थिए । कार्यक्रममा नेपाल पत्रकार महासंघ प्रदेश नम्बर ३ का अध्यष प्रताप विष्ट, सल्लाहकार गिरिजा अधिकारी, नेपाल पत्रकार महासंघ मकवानपुरका अध्यक्ष हरि हुमागाई, बानका उज्जवल चौँलागाई, संघका संस्थापक अध्यक्ष तथा नेपाल पत्रकार महासंघ मकवानपुरका उपाध्यक्ष कुमार अधिकारी, काग्रेस हेटौँडा नगर सभापतिअनान्दराम पराजुली, पत्रकार निराजन भण्डारी, कलाकार शोभिता सिम्खडा, सुशान्त कुमार श्रेष्ठ, उज्जवल भण्डारी ,मउवा संघ मकवानपुरका उपाध्यक्ष  माधव न्यौपाने लगायतको आतिथ्यता रहेको थियो । चलचित्र पत्रकार संघ मकवानपुरले १७ औँ चलचित्र पत्रकारिता दिवसको अवसरमा २ जनालाई नगद राशि सहित सम्मान गरेको छ ।