नेपाल विद्यार्थी संघ मकवानपुरको भित्तेपात्रो विमोचन 

 २ जेठ, हेटौँडा ।नेपाल विद्यार्थी संघ मकवानपुरले प्रकाशन गरेको भित्तेपात्रोको मंगलबार विमोचन गरिएको छ ।नेपाली कांग्रेसले सुरु गरेको जागरण अभियानको नेपाल विद्यार्थी संघले सुरुवात र भित्तेपात्रोको विमोचन गरेको हो । 
भित्तेपात्रोको विमोचन  मंगलबार एक समारोहका विच नेपाली कांग्रेसकी केन्द्रीय सदस्य महालक्ष्मी उपाध्याय डिनाले गरेकी छिन । भित्तेपात्रोको विमोचन  कार्यक्रममा बोल्दै डिनाले नेपाली आन्दोलनको मेरुदण्ड विद्यार्थीहरु भएको र विद्यार्थीहरुको सहयोग नेपाली राजनीतिमा आवश्यक रहेको बताईन। नेत्री उपाध्यायले  सरकारले दुई तिहाईको दम्भ देखाईरहेको अवस्थामा विद्यार्थीहरुले सरकारको गलत कामको विरुद्ध लाग्नुपर्ने बताईन् ।

कार्यक्रममा बोल्दै नेपाली काँग्रेस जिल्ला सभापति एवम् प्रदेश तीनका संसदीय दलका नेता ईन्द्रबहादुर बानियाँले हरेक राजनीतिक पार्टीलाई विद्यार्थी शक्तिको आवश्यक रहेको बताउदै नेविसंघ पनि विद्यार्थीहरुको आस्थाको केन्द्रबिन्दु रहेको बताए ।उनले विभिन्न समयमा भएको आन्दोलमा विद्यार्थीहरुको सहभागिता पंशसालायक रहेको र सहयोग सदैव आवश्यक रहेको बताए ।  नेपाल विद्यार्थी संघ मकवानपुरका अध्यक्ष राजु खतिवडाको अध्यक्षतामा भएको कार्यक्रममा कांग्रेस नेता कार्यक्रर्ता तथा विद्यार्थीहरुको सहभागिता रहेको थियो।