सवारी चालक अनुमतिपत्र र नवीकरण अब हेटौँडाबाटै

८जेठ, हेटौँडा । यातायात व्यवस्था सेवा कार्यालय प्रदेश नम्बर ३ हेटौँडाबाट अब सवारी चालक अनुमतिपत्र लाईसेन्स नवीकरण तथा दर्ता हुने भएको छ ।बुधबार हेटौंडा उपमहानगरपालिका वडा नं ११ थानाभर्याङस्थित यातायात व्यवस्था सेवा कार्यालयबाट लाईसेन्स दर्ता तथा नवीकरण सुरु गरिएको हो।

प्रदेश  ३ का मुख्यमन्त्री एवं भौतिक पुर्वाधार विकास मन्त्री डोरमणि पौडेल बुधबार एक समारोहका विच उक्त कार्यको सुभारम्भ गरेका हुन ।
मुख्य मन्त्री पौडेलले हेटौँडा १ का शिव थापालाई स्मार्ट लाइसेन्स कार्ड हस्तान्तरण गरेर सेवाको सुरु गरेका हुन् ।उक्त सुभारम्भ  कार्यक्रममा मुख्य मन्त्री पौडेलले थापा सहित २६ जनालाई स्मार्ट लाइसेन्स कार्ड हस्तान्तरण गरेको थिए । 
सवारी चालक अनुमतिपत्रको सेवा शुभारम्भ कार्यक्रममा बोल्दै मुख्य मन्त्री पौडेलले सेवा प्रारम्भ गरेसंगै अब यातायात कार्यलयमा हुने भष्ट्राचारको अनत्य हुने बताए । उनले प्रदेश सरकारलाई कर्मचारीको अभावले काम गर्न केहि असजिलो भएको बताउदै आगामी दिनमा त्यसको पनि समाधान हुने बताए । मन्त्री पौडेलले यातायात क्षेत्रमा सुधार गर्नु पर्ने भन्दै विरगन्ज र काठमाडौँमा हुने अनियमितता हेटौंडाबाट हुन नदिने     ठोकुवा गरे । कार्यक्रममा प्रदेश ३ को भौतिक पूर्बाधार बिकाश मन्त्रालयका सचिव कौषल किशोर झा सहित कर्माचारी तथा सेवा ग्राहीको सहभागिता रहेको थियो ।