इन्द्रसरोवरको वत्सलादेवीमा सिभिल इन्जिनियरिङ पढाई हुने

९ जेष्ठ, हेटौँडा । इन्द्रसरोवर गाउँपालिका वडा नं ३ सिस्नेरीमा रहेको श्री वत्सलादेवी माद्यमिक विद्यालयमा प्राविधिक विषयको सिभिल इन्जिनियरिङ विषयमा कक्षा संचालन हुने भएको हो ।  
नेपाल सरकारबाट यसै शैक्षिकसत्र देखि सञ्चालन गर्ने गरि अनुमती प्राप्त भई यही जेठ १५ गतेबाट कक्षा संचालन सुरु गर्न लागेको विद्यालयले जनाएको छ । विद्यालयले यस शैक्षिक सत्रका लागि कक्षा ९ मा ४८ जना बिद्यार्थी भर्ना गर्ने शिक्षक अभिभावक संघका अध्यक्ष सन्तोष बानियाँले जानकारी दिए ।
गाउँमै बसेर सिभिल इन्जिनियरिङ पढ्न पाउने अवसरलाई पूरा गर्न विद्यालयले गरेको प्रयास स्वरुप यस शैक्षिकसत्र देखि सो विषयको अध्यापन गर्ने अनुमती प्राप्त गरेको हो । 
विद्यालयले भुकम्प प्रतिरोधी आधुनिक भवन, पर्याप्त खेल मैदान, शान्त र अनुशासित वातावरण, अंग्रेजी र नेपाली दुबै माध्यमबाट कक्षा संचालन, कक्षा ४ देखि १२ सम्म कम्प्युटर कक्षा र प्राक्टिकल, साइन्स तथा कम्प्युटर ल्याब, लाइब्रेरी र कन्फ्रेन्स हल, अडियो भिजुवेल कक्षा कोठाको व्यवस्था गरेको जनाएको छ । 
यसैगरी कक्षा ११ र १२ मा म्यानेजमेन्ट तथा एजुकेसन विषयको आध्यापन, प्रत्येक कक्षामा सिसि क्यामेराको व्यवस्था, स्वच्छ खानेपानी र आधुनिक शौचालय, फुटबल, भलिबल, गायन र नृत्य  लगायतका क्रियाकलाप, दक्ष र अनुभवी शिक्षक तथा उच्च व्यवस्थापन लगायतका विशेषताहरु रहेको शिक्षक अभिभावक संघका अध्यक्ष सन्तोष बानियाँले जानकारी दिए ।
बानियाँका अनुसार गरिव तथा जेहेन्दार विद्यार्थीलाई छात्रवृत्तिको व्यवस्था सहित कक्षा ९ मा सिमित सिटका लागि मात्र भर्ना खुलेको कारण समयमै सिट सुरक्षित राख्न विद्यालयले आग्रह समेत गरेको छ ।