रानी सामुदायिक वनद्वारा छात्रबृत्ति वितरण

११ जेठ, हेटौँडा । हेटौँडा–६ चौघडामा रहेको रानी सामुदायिक वन उपभोक्ता समूहले आफ्नो समूह क्षेत्रका विद्यार्थीलाई छात्रबृत्ति वितरण गरेको छ ।
वन समूहले स्विकृत बार्षिक कार्यक्रम अन्तरगत सामाजिक उत्तरदायित्व बहन गर्दै ४ जना विद्यार्थीलाई छात्रबृत्ति वितरण गरेको हो । समूहले जनप्रिय मावि प्राविधिक शिक्षालयमा अध्ययनरत विपना सापकोटा, बंशगोपाल मावि प्राविधिक शिक्षालयमा अध्ययनरत सुशिल आचार्य, बंशगोपाल माविमा अध्ययनरत प्रशन्ना राई र भानु माविमा अध्ययनरत सविता दुलाललाई जनही ५ हजार रुपैँयाका दरले छात्रबृत्ति प्रदान गरेको छ ।
हेटौँडा उपमहानगरपालिका वडा नम्बर ६ का अध्यक्ष अर्जुनप्रसाद चौलागाईको प्रमुख आतिथ्यता एवं समूहका अध्यक्ष कृष्ण विडारीको सभाध्याक्षतामा कार्यक्रम भएको थियो । कार्यक्रममा सामुदायिक वन उपभोक्ता महासंघ मकवानपुरका अध्यक्ष साधुराम चौलागाई, समूहका सल्लाहकार विष्णुप्रसाद न्यौपाने, चुच्चेखोला सामुदायिक वनका अध्यक्ष अर्जुनप्रसाद दाहाल, टोल विकास संस्था ६ नम्बर वडा समन्वय समितिका अध्यक्ष केशव धिताल, सव–डिभिजन वन कार्यालय हेटौँडाका फरेष्टर यदुकुमार घिमिरे, समूहका उपाध्यक्ष डोरबहादुर अधिकारी, कार्यालय सचिव भीमसेन पौडेल लगायतले मन्तव्य व्यक्त गरेका थिए ।
कार्यक्रममा समूहले संचालन गरेको अवलोकन भ्रमणको समेत समिक्षा गरिएको थियो ।