आहा! त्रिखण्डी गर्मी छल्ने उत्कृष्ट गन्तव्य

सुनिल  शिवाकोटी
११ जेठ, हेटौँडा । जलवायु परिवर्तनले गर्दा देशभर गर्मी बढने क्रम रोकिएको छैन।दिनप्रति दिन तापक्रम बढदै गएको छ ।जलवायु परिवर्तनको असर प्रदेश ३ को राजधानी हेटौँडामा पनि देखिएको छ ।  
गर्मी छल्नका लागि तथा रमाइलो गर्न उत्कृष्ट गन्तव्य बन्दै आएको छ भिमफोदी गाउपालिका २मा रहेको त्रिखण्डी,राप्ती खोलाका किनारमा रहेको उक्त स्थान आजभोलि बिशेषगरी शनिबार आन्तरिक पर्यटक तथा बहिय पर्यटनकले खचाखच भरिने गरेको छ ।युगलजोडि हुन या वृद्ध वा युवाजमात सबैको मनोरञ्जन तथा गर्मी छल्ने तथा मन भुलाउने गन्तव्यको रुपमा स्थापना भईरहेको छ त्रिखण्डी ।
गर्मी भुलेर एकछिन भएपनि परिवारका सदस्य तथा साथीभाइसंग बसेर मिठो खाएर गर्मी छल्ने प्रयास गर्ने गरेको उक्त स्थानमा आएकाहरुले बताए । 
प्रस्टखबर टिम त्रिखण्डी पुग्दा वनभोज खान भारतको रक्सौलबाट आएर राजेश गुप्ताले त्रिखण्डी खुलेरै गर्मी भुलाउने गन्तव्य भएको बताएका छन । आफु साथीहरुसंग प्राय हरेका शनिबार त्रिखण्डी आउने गरेको भन्दै गुप्ताले गर्मी छल्न राप्ती खोलामा पौडि खेल्ने र शित्तल छहारीमा बसेर रमाइलो गर्ने गरेको बताए । 
त्यसैगरी विरगन्जबाट वनभोज खान आएका विरगन्ज खडकी समाजका एक जना सदस्य श्याम खडकीले  यस क्षेत्र मनमोहक र रमणीय भएकोले वनभोजका लागि ५० किलोमिटरबाट आएको बताए । 
विशेषगरी बारा ,पर्सा, रौतहतका साथै भारतको विभिन्न स्थानबाट मानिसहरुले आउने गरेकोले शनिबार प्राय भिडभाड हुने उक्त स्थानमा होटल संचालन गर्दै आएका भक्त बहादुर रानाले बताए । 
रानाले शनिबार परिवार सहित स्कुल कलेजका विद्यार्थीहरु वनभोज खान खोलामा पौडि खेल्न आउने गरेको भन्दै शनिबार बढी व्यापार हुने बताए। त्यसैगरी स्थानिय गोमा लामाले बषौ अघि उक्त स्थानमा हेटौँडा वरपरबाट मात्र वनभोज खान तथा पौडी खेल्नका लागि आउने गरेकामा अहिले वनभोज खान तथा गर्मी छल्नका लागि पौडी खेल्नकै लागि हेटौँडा सहति प्रदेश २ का विभिन्न जिल्ला तथा भारतको विहारबाट समेत मानिसहरु आउने गरेको बताइन।
हजारैको संख्यामा मानिसहरुको चहलपहल हुने उक्त स्थानको  सेडहरी निर्माण गरी, विक्षारोपण गरी गाउपालिकाले गुरु योजनाका साथ अगाडी बढने सके त्रिखण्डीलाई उत्कृष्ट  वनभोज स्थल तथा पर्यटकको गन्तव्यको रुपमा विकास गर्न सकिने पक्का देखिन्छ ।