नेविसंघ मकवानपुर क्षेत्र नम्बर ३ को भेला तथा वनभोज कार्यक्रम

११ जेठ, हेटौँडा । नेपाली कांग्रेसको भातृ संगठन नेपाल विद्यार्थी संघ मकवानपुरले औपचारीक रुपमा जेष्ठ ०७ गते मकवानपुर क्याम्पसबाट राष्ट्रीय जनजागरण अभियान शुभआरम्भ गरेकोमा यस कार्यलाई नेपाल विद्यार्थी संघ मकवानपुर ३ नम्बर क्षेत्रीय समितिले निरन्तरता दिएको छ । यसै क्रममा नेपाल विद्यार्थी संघ मकवानपुर ३ नम्बर क्षेत्रीय समितिले पार्टीको जागरण अभियानअन्तर्गत विद्यार्थी भेला तथा वनभोज कार्यक्रमको आयोजना गरेको छ । 
समितिले शनिबार भीमफेदी गाउँपालिका २ त्रिखण्डीमा उक्त कार्यक्रमको आयोजना गरिएको हो । .नेपाल विद्यार्थी संघ क्षेत्र नम्बर ३ का अध्यक्ष सुवास सापकोटाको अध्यक्षतामा भएको कार्यक्रममा नेपाली काँग्रेस मकवानपुरका प्रमुख सल्लाहकार माइकल रामचन्द्र अर्यालको प्रम’ख आतिथ्यता रहेको थियो । कार्यक्रममा पार्टी प्रवक्ता प्रदिप कोइराला, जिल्ला सदस्य सुनिल दाहाल, सुनिल  अधिकारी, विद्यार्थी विभाग प्रमुख राजीव सुबेदी, महिला संघ मकवानपुर अध्यक्ष लक्ष्मी श्रेष्ठ, नेवि संघ    
  पुर्व केन्द्रिय सदस्य तथा पुर्व जिल्ला सभापति भुपेन्द्र कोइराला र महेन्द्र राउत, वर्तमान जिल्ला अध्यक्ष राजु खतिवडालगायतले कांग्रेसको देशव्यापी राष्ट्रिय जनजागरण अभियान र यस अभियानमा नेविसंघको भुमिकाको बारेमा  मन्तव्य व्यक्त गरेका थिए । 
साथै उक्त कार्यक्रम मार्फत त्रिविले लिएको बिबिएस तहको बार्षीक परीक्षामा जिल्ला प्रथम तथा द्धितीय हुने क्रमश प्रकाश गौतम तथा आलोक प्रसाद बिडारीलाई सम्मान गरीएको  कार्यक्रम संयोजक सन्तोष चौलागाईले बताए । 
विद्यार्थी भेला तथा वनभोज कार्यक्रममा कांग्रेस नेता कार्यक्रर्ता, विद्यार्थी, तरुण दल महिलासंघ लगायतकाको सहभागिता रहेको थियो ।