महिलाहरूको नेतृत्व एवम् संस्थागत तालिम सकियो

 ११ जेठ, हेटौंडा । टोल विकास संस्था वडा समन्वय समिति हेटौंडा ६ को आयोजनामा भएको ४ दिने महिलाहरुको नेतृत्व तथा संस्थागत क्षमता अभिबृद्धि तालिम सकिएको छ । जेठ ८ गतेबाट सुरु भएको तालिम शनिबार सकिएको हो ।
तालिममा ६ नम्बर वडा भित्र रहेका २० वटा टोल विकास संस्थाका प्रतिनिधिहरुको उपस्थिति रहेको थियो । ४ दिनसम्म चलेको तालिमको सहजिकरण प्राध्यापक कृष्णप्रसाद दाहाल, पत्रकार रुपेश दुलाल, भीमसेन पौडेल र अधिकारकर्मी आरति पाठकले गरेका थिए । 
टोल विकास संस्था वडा समन्वय समिति हेटौंडा ६ का अध्यक्ष केशव धितालको अध्यक्षतामा भएको कार्यक्रममा हेटौंडा ६ का वडा अध्यक्ष अर्जुनप्रसाद चौलागाईको प्रमुख आतिथ्यता रहेको थियो । कार्यक्रममा वडा सदस्यहरु शुभद्रा तिमल्सिना, टोल विकास संस्था नगर समन्वय समितिका उपाध्यक्ष सति न्यौपाने, सचिवालय सदस्य विष्णु ढुंगाना, ९ नम्बर समन्वय समितिका अध्यक्ष यदुबंश भट्टराई, प्रशिक्षकको तर्फबाट रूपेश दुलाल, चुच्चेखोला सामुदायिक वन समूहका अध्यक्ष अर्जुनप्रसाद दहाल, सहभागिको तर्फबाट तल्लो गौरीटार टोल विकास संस्थाकी सचिव सुनिता कुमारी ढुंगाना लगायतले मन्तव्य व्यक्त गरेका थिए ।
तालिममा ४१ जना महिलाहरुको सहभागिता रहेको थियो ।