अमोल होटलमा प्रहरी छापा होटल संचालक सहित महिला पक्राउ

फोटोः जिप्रका मकवानपुर

१२ जेठ, हेटौँडा । हेटौँडा बजारको होटलहरुमा यौनजन्य क्रियाकलाप हुने गरेको छ भन्ने विभिन्न संचारमाध्यममा समाचार प्रकाशन भएपछि मकवानपुर प्रहरीले त्यसको नियन्त्रणमा सक्रिया देखाएको छ । 
यसै क्रममा जिल्ला प्रहरी कार्यालय मकवानपुरबा खटि गएको प्रहरी टोलिले हेटौडा उपमहानगरपालिका– ११ थानाभर्याङ स्थित अमोल होटलमा अनैतिक कार्य हुने गरेको भनि प्राप्त सुचनाको आधारमा होटलमा यौनजन्य तथा अनैतिक क्रियाकलाप गर्न गराउन सहयोग गरेको भन्दै होटल सञ्चालक सहित एक महिलालाई पक्राउ गरेको छ ।
प्रहरीले होटल सञ्चालक हेटौंडाको नवलपुर बस्ने ३४ वर्षीय सन्तोष चौलागाई सहित एक महिलालाइ नैतिकता विरुद्धको अपराधमा संलग्न एक महिलाई पक्राउ गरिएको मकवानपुर प्रहरी प्रवक्ता प्रहरी नायव उपरीक्षक यज्ञप्रसाद भट्टराईले जानकारी दिएका छन । यौनजन्य क्रियाकलाप भईरहेको छ भन्ने सुचनाको आधारमा प्रहरीको विशेष टोलि होटलको कोठा नं.२०५ मा   आपत्तिजनक अवस्थामा महिलालाई फेला परे पछि होटल संचालकलाई नियन्त्रण लिएको मकवानपुर प्रहरी प्रवक्ता प्रहरी नायव उपरीक्षक भट्टराईले बताए । प्रहरीले पक्राउ परेका सञ्चालक सहित महिलालाई सार्वजनिक हित, स्वा्रंटस्थ्य, सुरक्षा, सुबिधा र नैतिकता विरुद्धको कसुर अपराध मुद्दा जिल्ला अदालत मकवानपुरमा दर्ता गराएको जनाएको  छ ।

प्रहरीले यस अघि पनि हेटौंडा–१० बसपार्कमा रहेको घलान होटल एण्ड लजमा यौनजन्य तथा अनैतिक क्रियाकलाप गर्न गराउन सहयोग गरेको भन्दै होटल सञ्चालक तथा होटलका काम गर्ने १ गरी दुई जनालाई पक्राउ गरेको थियो ।