विप्लबका अपराधिक गतिविधि रोक्नु सरकारको कर्तब्यः प्रधानमन्त्री ओली

१३ जेष्ठ, हेटौँडा । प्रधानमन्त्री केपी शर्मा ओलीले नेत्र विक्रम चन्द नेतृत्वको समूहको गतिविधि आतंककारी भएको उल्लेख गर्दै सरकार त्यसलाई नियन्त्रण गर्न दृढ रहेको बताएका छन् ।
सोमबार ललितपुरमा आयोजित राष्ट्रिय मानव अधिकार आयोगको १९ औं वार्षिकोत्सव कार्यक्रममा बोल्दै उजले मानव अधिकारको, मानव मर्यादा र यसको सम्मानमाथि गम्भिर चोट पु¥याउने गरी भएका आतंककारी समूहको गतिविधि रोकन सरकारले दृढ रहेको बताए । 
मुलुकलाई सहज ढंगले अघि बढन नदिने गरी विप्लब समूहले गरेको आतंककारी गतिविधिलाई रोक्नु र नियन्त्रण गर्नु सरकारको कर्तव्य भएको उल्लेख गर्दै प्रधानमन्त्री ओलीले चन्द नेतृत्वको समूहको काम के हो ? भनि प्रश्न पनि गरे ।
प्रधानमन्त्री ओलीले आफ्नो लोकतन्त्र र मानव अधिकारप्रतिको निष्ठा र प्रतिवद्धतामा शंका नगर्न पनि सम्बन्धित सबै पक्षलाई आग्रह गरे । 
उनले मानव अधिकार र लोकतन्त्र नहुँदाको पीडा आफूले भोगेको स्मरण गराउँदै मानव अधिकारको प्रश्नमा खोट लगाउने कुनै पनि काम नगर्ने प्रतिवद्धता पनि व्यक्त गरे ।
उनले प्रेस स्वतन्त्रताप्रति पनि सरकार प्रतिवद्ध रहेको बताउँदै संचारकर्मीहरुले कसैमाथि पनि गम्भिर आक्षेप लाग्ने गरी कलम चलाउन भने नहुने सुझाव दिए ।