मकवानपुरका ट्युशन तथा कोचिङ सञ्चालकहरु भन्छन दर्ता कहाँ गर्ने ?

१३ जेठ, हेटौँडा । मकवानपुरको ट्युशन तथा कोचिङ सञ्चालकहरुले दर्ता कहाँ गर्ने र स्पष्ट कानुन र निर्देशीकाहरु नहुदा ट्युशन तथा कोचिङ सन्टरलाई दर्ता जिम्मेवार निकाय नहुदा ट्युशन तथा कोचिङ संचालनमा समस्या परेको बताएका छन् ।
सम्पूर्ण ईन्स्टिच्युट तथा कन्सलटेन्सी संघर्ष समिति मकवानपुरले सोमबार न्युज क्लब नेपालमा पत्रकार सम्मेलनको आयोजना गरी यसो बताएको हो ।  
पत्रकार सम्मेलनमन बोल्दै सम्पूर्ण ईन्स्टिच्युट तथा कन्सलटेन्सी संघर्ष समिति संयोजक किशोर अर्यालले सरकारको गैर जिम्मेवारीले गर्दा संस्था कहाँ दर्ता गर्ने भन्ने विषय अन्योल बन्दा समस्या आएको बताए । अर्यालले संघिय सरकार हुदै प्रदेश सरकार अन्र्तगत सामाजीक विकास मन्त्रालय तथा स्थानीय सरकार अन्तर्गत हेटौँडा उपमहानगरपालिकले  शिक्षा सम्वन्धी आ आफ्नो कानुन निर्माण गरेको भएतापनि  अनुमती तथा दर्ता प्रकृया कहाँबाट हुन भन्ने विषयमा ईन्स्टिच्युट तथा कन्सलटेन्सी संचालकहरु अनविज्ञ रहेको बताए ।  पत्रकार सम्मेलनमा मार्फत सम्पूर्ण ईन्स्टिच्युट तथा कन्सलटेन्सी संघर्ष समितिले सातदिने आन्दोलनको कार्यक्रमहरु पनि सार्वजनिक गरेको छ । कार्यक्रम अन्र्तगत भोली सर्वपक्षिय छलफल गर्ने, भोलीबाटै सबै टिउसन तथा कोचिङ कक्षा सञ्चालन नगर्ने, १५ गते सम्पूर्ण शैक्षिक सस्था बन्द गर्ने, १६ गते प्रदेश मन्त्रालयमा डेलिगेसन जाने र अन्तिम दिन १८ गते जिल्ला प्रशासन कार्यालय मकवानपुरमा ताला बुझाउने कार्यक्रम सार्वजनिक गरेको हो ।