गणतन्त्र दिवसमा कांग्रेस मकवानपुरले विभिन्न कार्यक्रम गर्ने

१४ जेष्ठ, हेटौँडा । नेपाली कांग्रेस मकवानपुरले १२ औँ गणतन्त्र दिवस विविध कार्यक्रमको आयोजना गरि मनाउँने भएको छ । नेपाली कांग्रेस मकवानपुरको सोमबार बसेको जिल्ला कार्य समिति बैठकले केन्द्रीय निर्देशन अनुसार कार्यक्रम गर्ने निर्णय गरेको हो । 
मकवानपुर कांग्रेसले जेष्ठ १५ गते गणतन्त्र दिवसको दिन विहान प्रभात फेरी, दिउँसो गणतन्त्र र संघियता सम्बन्धि अन्तरकृया र साँझ दिप प्रज्वलन गर्ने जनाएको छ । 
प्रभात फेरी विहान ७ बजे हेटौँडा २ स्थित पार्टी कार्यलयबाट सुरु भई बुद्धचोकमा पुगेर  कोणसभामा परिणत हुने पार्टी प्रवक्ता प्रदिप कोइरालाले जानकारी दिए । 
यस्तै दिउँसो ३ बजे हुने अन्तरकृया पार्टी कार्यलयको सभा हलमा हुने र दिप प्रज्वलन कार्यक्रम साँझ ६ः३० बजे बुद्धचोकमा गरिने पनि प्रवक्त कोइरालाले बताए ।
नेपालमा भएका सबैखाले राजनितिक परिवर्तनमा नेपाली कांग्रेसको मुख्य भूमिका रहेको उल्लेख गर्दै गणतन्त्र दिवसको दिन कार्यक्रमको आयोजना गर्न लागिएको मकवानपुर कांग्रेसका कार्यबाहाक सभापति बिष्णुप्रसाद लामिछानेले बताए । 
कार्यबहाक सभापति लामिछानेको अध्यक्षतामा भएको बैठकमा कार्यसमितिका पदाधिकारी, जिल्ला सदस्य, नगरसभापति, एवम विभिन्न भातृ संगठन र सुभेच्छु संगठनका प्रमुख एवम प्रतिनिधिहरुको सहभागिता रहेको थियो । 
बैठकले गणतन्त्र दिवसको कार्यक्रममा सहभागिताका लागी कार्यकर्ता एवम सुभेच्छुकहरुमा अनुरोध समेत गरेको छ ।