बस्तीपुर जेसीजबाट रक्तदान र सामग्री हस्तान्तरण

१६ जेठ, हेटौँडा । बस्तीपुर जेसीजको सप्ताहव्यापी कार्यक्रम अन्तरगत बिहिबार रक्तदान र विद्यालयमा खेलकुद सामाग्री हस्तान्तरण कार्यक्रम भएको छ । 
बिहिबार विहान मनहरी गाउँपालिकाको भोजसिद्ध माध्यामिक विद्यालयमा भएको रक्तदानमा २५ जनाले रक्तदान गरेका छन् । रक्तदान कार्यक्रमका संयोजक नवराज विष्टको अध्यक्षतामा भएको कार्यक्रममा नेपाल रेडक्रस सोसाईटी जिल्ला सदस्य एवम् जिल्ला जुनियर युवा रेडक्रस सर्कलका संयोजक राजु घलेको प्रमुख आतिथ्यतामा कार्यक्रम भएको हो । 
बिहिबार नै हेटौंडा १९ बाँसधारीमा रहेको कालिका आधारभूत विद्यालयमा खेलकुद तथा स्टेशनरी सामाग्री हस्तान्तरण गरेको छ । विद्यालय व्यवस्थापन समितिका अध्यक्ष प्रताप थिङको प्रमुख आतिथ्यतामा कार्यक्रम भएको हो । कार्यक्रममा थिङले जेसीजले गरेको कामको प्रसंशा गरे । बस्तीपुर जेसीजका सदस्य अशोक थिङको संयोजकत्वमा कार्यक्रम भएको हो । 
कार्यक्रममा मूल कार्यक्रम संयोजक प्रकाश लामा थोकर, बस्तीपुर जेसीजका अध्यक्ष सुनिल अधिकारी, सहमूल कार्यक्रम संयोजक शिवराज उप्रेती, निर्वतमान अध्यक्ष राममणि बर्तौला, अध्यक्ष सल्लाहकार ज्योतीराज लुईटेल, जयराम सुवेदी, कार्यकारिणी उपाध्यक्ष विदुर थापा, कालिका आधारभूत विद्यालयका सहायक प्रधानाध्यापक अप्सरा बर्तौलालगायत बस्तीपुर जेसीजका पदाधिकारीको उपस्थिति रहेको थियो ।