आफ्नै पसल चोरी गर्ने घिमिरे प्रहरीको फन्दामा 

१७ जेठ, हेटौँडा । आफ्नै  पसल आफै चोरी गर्ने अनि चोरी भयो भन्दै प्रहरीमा उजुरी दिएको कुरा सुन्दा सबैलाई अच्म्म लाग्न सक्छ तर मकवानपुरमा यस्तै भएको छ । 
आफै चोरी गर्ने अनि पसल चोरी भयो भनेर पत्रकार तथा प्रहरीलाई झुक्याउने एक जना मकवानपुर प्रहरीको फन्दामा परेका छन । बन्द भएको पसल चोरी भयो भन्दै पत्रकारलाई भ्रम पैदागरी  व्यापारी तथा सुरक्षा चुनौती भयो भन्दै प्रहरीलाई झुक्याएको आरोपमा मकवानपुर प्रहरीले घिमिरे इलेक्ट्रीक एण्ड इलेक्ट्रोनिकका सञ्चालक उमेश घिमिरेलाई पक्राउ गरेको  छ । 
शुक्रबार जिल्ला प्रहरी कार्यालय मकवानपुरमा पत्रकार भेटघाटको आयोजना गर्दै मकवानपुर प्रमुख प्रहरी उपरीक्षक मुकेश कुमार सिंहले घिमिरे इलेक्ट्रीक एण्ड इलेक्ट्रोनिकका सञ्चालक उमेश घिमिरेलाई पक्राउ गरेको जनाइएको छ । प्रहरीले घिमिरेलाई उक्त पत्रकार भेटघाट मार्फत सार्वजनिक समेत गरेको छ । घिमिरेले गत जेठ ११ गते पसल बन्द भएको अवस्थामा  पसलबाट ३ लाख १२ हजार नगद सहित ३२ लाख ९३ हजार २ सय ८४ रुपैँया बराबरको इलेक्ट्रीक एण्ड इलेक्ट्रोनिक सामग्रीहरु चोरी भएको भन्दै प्रहरीलाई उजुरी दिएका थिए ।
जिल्लाको मुख्य चोकमा प्रदेश ३ को राजधानी हेटौँडा र सम्रग मकवानपुर जिल्लाको  सुरक्षालाई चुनैती सहित भएको चोरीको उजुरी पर्ने बित्तिकै जिल्ला प्रहरी कार्यालय मकवानपुरका प्रहरी नायव उपरिक्षक(डिएसपी) यज्ञप्रसाद भट्टराईको नेतृत्वमा अनुसन्धान टोली गठन गरि अनुसन्धान अघि बढाउदा त्यसको एक हप्ता नवित्दै भट्टराईको नेतृत्वमा अनुसन्धान टोलीले घिमिरे स्वयमले सामान लुकाएर चोरी भएको नाटक गरी पत्ता लगेको र घिमिरेलाई नियन्त्रण लिई अनुसन्धान गर्दा उनले व्यक्तिगत फाइदाको लागि पसल चोरी भएको भ्राम फैलाएको पक्ता लागेको हो । 
अनुसन्धान टोलीका संयोजक जिल्ला प्रहरी कार्यालय मकवानपुरका प्रहरी नायव उपरिक्षक(डिएसपी) यज्ञप्रसाद भट्टराइले  बंैकमा भएको  ५० लाख ऋण तिर्नको र इन्सोरन्स क्रेल् मगर्नका लागि आफैले समान लुकाएर चारी भएको नाटक गरेको बताए ।   
त्यसैगरी प्रहरी उपरीक्षक मुकेशकुमार सिंहले घिमिरेले चोरी गरेको सामन हेटौँडा ४ पारिजातपथमा एक घरबाट बरामद समेत गरेको जानकारी दिएका छन ।  उनीमाथी  म्याद थप गरि कानुन बमोजिम कारबाहीको पकृया अघि बढाइएको बताइएको छ ।