शिखरकटेरीमा सार्वजनिक सुनुवाई कार्यक्रम सम्पन्न

१७ जेठ, हेटौडा । आफनो संस्थाले गरेका कार्यहरुको बारेमा जानकारी गराउने उद्धेश्यका साथ शुक्रवार मकवानपुरगढी–२ स्थित शिखरकटेरीमा सार्वजनिक सुनुवाई कार्यक्रम भएको छ । मकवानपुरगढी–२ शिखरकटेरीमा रहेको मकवानपुरगढी स्वास्थ्य चौकीले सार्वजनिक सुनुवाई कार्यक्रमको आयोजना गरेको हो । 
कार्यक्रममा स्वास्थ्य चौकीका ईन्चार्ज प्रमोद रौनियारले स्वास्थ्य चौकीले गरेका कार्यहरुको बारेमा जानकारी गराएका थिए । स्वास्थ्य चौकीले खोप सेवा, गाउँघर क्लिनिक, प्रसुती सेवा, गर्भ जाँच, क्षयरोगी, कुष्ठरोग, लगायतका कामहरु गरेको ईन्चार्ज रौनियारले बताए । परिवार नियोजन सेवा,पोषण, आकस्मिक सेवा, प्रयोगशाला,एम्वुलेन्स सेवा, महिला स्वास्थ्य स्वयमसेविका परिचालन, प्राथमिक उपचार सेवा लगायतका सेवा स्वास्थ्य चौकीले संचालन गर्दै आएको छ । 
मकवानपुरगढी गाउँपालिकाकी उपाध्यक्ष हर्कमाया रुम्वाको प्रमुख आतिथ्यता एवम मकवानपुरगढी गाउँपालिका २ का वडा अध्यक्ष बखान सिं पाख्रिनको अध्यक्षतामा कार्यक्रम भएको थियो । कार्यक्रममा मकवानपुरगढी गाउँपालिका स्वास्थ्य शाखा प्रमुख भोला चौलागाई, वडा सदस्य रामप्रसाद पुडासैनी, हेमकर्ण आधारभूत विद्यालयका प्रअ मोहनराज स्याङतान, कालीदेवी आधारभूत विद्यालयका प्रअ केशप देवकोटा,स्वास्थ्य चौकीका सदस्य गोपालप्रसाद गौतम, संचारकर्मी भीमसेन पौडेल लगायतकाले मन्तव्य व्यक्त गरेका थिए ।
कार्यक्रममा विभिन्न संघसंस्थाका प्रतिनिधिहरु र वडाबासीहरुको उल्लेख्य सहभागिता थियो ।