महायज्ञमा चौथो दिन ४ लाख ५६ हजार संकलन

२३ मंसिर, हेटौँडा । हेटौँडा–१९ चिसापानीस्थित शक्तेश्वर मन्दिर स्तरोन्नतिका लागि भईरहेको महायज्ञमा चौथो दिन ४ लाख ५६ हजार ४ सय ४४ रुपैँया संकलन भएको छ ।
विहिबार महायज्ञमा हेटौँडा–१९ का नवराज दुलालबाट १ लाख १ हजार १ सय ११, हेटौडा २१ का कृष्णप्रसाद गजुरेलबाट ३१ हजार १ सय ३१, हेटौँडा–१९ का गोपिप्रसाद पुडासैनीबाट ११ हजार १ सय ११, हेटौँडा–२१ का केदारप्रसाद आचार्यबाट ११ हजार १ सय ११, हेटौँडा–२१ का राधिका बास्तोलाबाट ११ हजार १ सय ११ रुपैँया सहयोग प्राप्त भएको छ ।

यसैगरी, हेटौँडा–१९ का मिनाकुमारी गौतमबाट १० हजार ५५, हेटौँडा–२० का रामप्रसाद पौडेलबाट १० हजार १० रुपैँया र हेटौँडा–२१ का दुर्गा आचार्यबाट १० हजार ५ रुपैँया सहयोग संकलन भएको प्रचारप्रसार समिति सदस्य घमराज तिमल्सिनाले बताए । महायज्ञमा विहिबारदेखि तुलादान समेत शुरु भएको छ । हेटौँडा–१९ का छविलाल चौलागाईबाट १४ हजार ४ सय १० रुपैँया, लालिमाया गुरुङबाट १० हजार ६५ रुपैँया र हेटौँडा–२१ का मनमाया ढकालबाट १३ हजार ८ सय ५५ रुपैँया बराबर तुलादान भएको छ । महायज्ञमा चार दिनमा ८ लाख ८१ हजार ३ सय ८३ रुपैँया संकलन भएको छ ।
धार्मिक पर्यटन पर्वधनका लागि पूर्वाधार विकास लागि ५० लाख रुपैँया सहयोग जुटाउने उद्देश्यले मंसिर २८ गतेसम्म संचालन हुने धान्याञ्चल महायज्ञमा प्रखर युवा पण्डित गणेश उपमण्यु ढकालले कथा वाचन गरिरहेका छन् । महायज्ञ अन्तरगत पितृको सम्झनामा तस्विर राख्ने, सामुहिक व्रतवन्ध, पञ्चमी थन्क्याउने, सिक्का र धानमार्फत तुलादान गर्ने व्यवस्था मिलाईएको छ । आयोजकले मंसिर २४ गते रक्तदान कार्यक्रम गर्ने जनाएको छ ।