प्रदेश सभा सचिवालय परिसरमा मिडिया सेन्टर राख्न माग

२० जेठ, हेटौंडा। संसदीय पत्रकार मञ्च प्रदेश ३ समितिले प्रदेश सभामुख सानुकुमार श्रेष्ठलाई  प्रदेश ३ को प्रदेश सभा सचिवालय परिसरमा मिडिया सेन्टरको स्थापना गर्न माग गरेको छ । 
आइतबार मञ्चका अध्यक्ष राममणि दाहाल, सचिव केशव समर्पण, सदस्य सुदीप शिवाकोटी लगायतको टोलीले सभामुख श्रेष्ठको कार्यकक्षमै पुगेर भेटी  संसदीय पत्रकार अन्तर– प्रदेशको लुम्बिनी सम्मेलनलेको छ बुँदे घोषणापत्र  बुझाउदै पत्रकारहरुसँगको समन्वय र सहकार्यको लागि आग्रह गर्दै प्रदेशसभामा मिडियाको पहुँच सहज बनाउन माग गरेका हुन् । मञ्च अध्यक्ष दाहालले पत्रकारलाई संसदमा सहज पहुँच उपलब्ध गराउँदा लोकतन्त्र बलियो र जनउत्तरदायी हुन सभामुखलाई आग्रह गरको थिए । त्यसैगरी संसदीय पत्रकार मञ्च अध्यक्ष दाहाल संगै पुगेका पत्रकारहरुले जनताले चुनेर पठाएका जनप्रतिनिधिले गरेका गतिविधि जनतासमक्ष पु¥याउनको लागि पत्रकारले महत्वपपूर्ण भूमिका खेलेको भन्दै पत्रकारको क्षमता अभिवृद्धि, विधेयक छलफल, अन्तरक्रिया, अन्तरप्रदेश अनुभव आदानप्रदानलगायतका कार्यक्रम समेटेर आवश्यक बजेट बिनियोजन गर्न माग गरेको छ ।
अनुरोधपत्र बुझदै सभामुख श्रेष्ठले आफूले प्रदेशसभामा मिडिया सेन्टरको स्थापनाको तयारी गरेको बताए । उनले पत्रकारको क्षमता वृद्धिको लागि केही समयमा नै तालिम सञ्चालन गरिने पनि बताए  । अनुरोधपत्र बुझाउने कार्यक्रममा पत्रकार सुवास बिडारी, प्रिया पौडेललगायतको उपस्थिति रहेको थियो ।
    
                           सभामुख श्रेष्ठलाई लुम्बिनीमा घोषणापत्र  हस्तान्तरण
संसदीय पत्रकारले प्रदेश ३ले संसदीय पत्रकार अन्तर प्रदेश सञ्जालको गत जेठ ६ गतेदेखि ८ गतेसम्म लुम्बिनीमा भएको भेलाबाट जारी घोषणापत्र पनि सभामुख श्रेष्ठलाई हस्तान्तरण गरिएको थियो । 
संसदीय मामिला पत्रकारहरुको उक्त सम्मेलनले संसदको मर्यादामा रहेर संसदीय विषयका समाचारको रिर्पो्टिङलाई मर्या्दित बनाउने र समाचारमा तथ्य र विश्वसनीयता कायम गर्न अरु बढी संवेदनशील बन्नेलगायतका ६ बुँदे घोषणापत्र जारी गरेको थियो ।