हाजिरीजवाफ प्रतियोगितामा चण्डिका मावि प्रथम

२१ जेठ, हेटौँडा । ४७ औं विश्व वातवारण दिवसको अवसरमा भएको हाजिरीजवाफ प्रतियोगितामा चण्डिका मावि मकवानपुरगढी–२ मा रहेको चण्डिका मावि प्रथम भएको छ ।
हेटौँडा–६ मा रहेको रानी सामुदायिक वन उपभोक्ता समूहको आयोजना र टोल विकास संस्था नगर समन्वय समिति हेटौँडा उपमहानगरपालिकाको समन्वयमा भएको प्रतियोगितमा चण्डिकाका अभिषेक लामा र सन्ध्या बास्कोटाको टोली प्रथम भएको हो ।
प्रतियोगितामा जनप्रिय मावि हटियाका सन्देश जम्कट्टेल र सलिना श्रेष्ठको टोली दोस्रो र गोरक्षनाथ मावि फुर्केचौरका देवि खत्रि र माधव चौलागाईको टोली तेस्रो भएका छन् । १६ विद्यालय सहभागी प्रतियोगितामा प्रथम हुनेले नगद १० हजार, दोस्रोले नगद ६ हजार र तेस्रोले नगद ४ हजारसहित प्रमाणपत्र प्राप्त गरेका छन् ।
वन समूहका उपाध्यक्ष डोरबहादुर अधिकारीको सभाध्यक्षतमा भएको कार्यक्रममा हेटौँडा–६ का वडा अध्यक्ष अर्जुनप्रसाद चौलागाई, सामुदायिक वन उपभोक्ता महासंघ मकवानपुरका अध्यक्ष साधुराम चौलागाई, समूहका अध्यक्ष कृष्ण विडारी, जनकल्याण सहकारीका अध्यक्ष हिमाल पौडेल, चौघडा सहकारीका अध्यक्ष श्यामप्रसाद श्रेष्ठ, कामधेनु बहुद्देश्यीय सहकारीका अध्यक्ष गौरबकुमार पराजुली, टोल विकास संस्था ६ नम्बर वडा समन्वय समितिका अध्यक्ष केशव धिताल, समूहकी सचिव नानीमैया रुम्बा, कार्यालय सचिव भीमसेन पौडेल, चुच्चेखोला सामुदायिक वन उपभोक्ता समूहका कार्यालय सचिव केदारप्रसाद गौतम लगायतले मन्तव्य व्यक्त गरेका थिए ।
कार्यक्रममा गोबरग्याँस प्लान्ट निर्माण गर्ने १५ जना उपभोक्ताहरुलाई जनही एक हजारका दरले अनुदान रकम हस्तान्तरण गरिएको थियो ।