सिमल्टारमा टोलबिकास संस्था प्रथम

 २२ जेठ, हेटौँडा ।  स्वच्छ वायु स्वस्थ जिवन भन्ने मुल नारा सहित ४७ औँ विश्व वातावरण दिवस हेटौँडामा भब्य रुपमा मनाइएको छ । हेटौँडा उपमहानगरपालिका टोल विकास संस्था नगर समन्व्य समितिको आयोजना तथा नगरभित्र रहेका विभिन्न टोल विकास संस्थाहरुको सहकार्यमा वातावरणीय सचेतना –यालाी तथा सभाको आयोजना गर्दै ४७ औँ विश्व वातावरण दिवस मनाइएको हो । हेटौँडा हुप्राचौरबाट विभिन्न भेषभुषा, कला संस्कृती झल्कने बाजागाजा सहित निस्किएको याली मेनरोड, सिमाचोक, बुद्ध चोक, पारिजातपथ हुदै भुटन्देवी स्कुलको चौरमा पुगेर सभामा परिणत भएको थियो । 
त्यसैगरी टोल बिकास संस्था मध्यमा उत्कृष्ट ¥याली प्रर्दशन गर्ने हेटौंडा ११ रहेको सिमल्टारमा टोलबिकाश संस्था प्रथम भएको छ ।सिमल्टारले  नगद १० हजार हजार रुपैयाँ सहित सम्मान पत्र प्राप्त गरेको छ  । त्यसैगरी हेटौंडा ९ मा रहेको प्रगती टोलबिकास संस्था द्धितीय भएको छ । द्धितिय भएसंगै प्रगतीले नगद ७ हजार रुपैयाँ सहित सम्मान पत्र प्राप्त गरेको छ । त्यसैगरी हेटौंडा ५ को अब्बलडाँडा टोल बिकास संस्था  तितृय  भएको छ । तेस्रो भएसंगै अब्बलडाँडाले पाँच हजार नगद सहित सम्मान पत्र हात पारेको छ । त्यसैगरी अन्य सातवटा टोल बिकास संस्थाहरु सान्त्वना भएका छन् । कार्यक्रममा यालीमा उत्कृष्ट हुने बिद्यालय र विभिन्न संघसंस्थाहरुलाई पनि पुरस्कृत गरिएको  थियो ।  त्यसैगरी  टोल विकास संस्थाका निबर्तमान अध्यक्ष इश्वर ढुंगाना, हेटौंडा खानेपानी व्यावस्थापन बोर्ड पनि सम्मान गरिएको थियो । सम्मानीत र पुरस्कृत भएकाहरुलाई हेटौँडा उपमहानगरपालिकका प्रमुख हरी बहादुर महत, उप–प्रमुख मिना कुमारी लामा लगायतले सम्मान तथा पुरस्कार वितरण गरेका थिए ।  कार्यक्रम टोल विकाश संस्था नगर समन्वय समिति हेटौंडा उपमहानगरपालिकाका अध्यक्ष धुर्ब प्रसाद अधिकारीको सभाध्यक्षतामा भएको थियो ।