समाज विकासमा महिलाको भुमिका महत्वपुर्णःउपप्रमुख लामा

२५ जेठ, हेटौँडा । हेटौंडा उपमहानगरपालिकाकी उपप्रमुख मिना कुमारी लामाले समाज विकासमा महिलाहरुको भुमिका महत्वपुर्ण रहेको बताएकी छिन्।
शनिबार हेटौंडा लेडिज जेसिजले  आयोजना गरेको  लेडिज जेसिज सप्ताहको  पुरस्कार वितरण तथा समापन कार्यक्रमलाई सम्बोधनका क्रममा उप प्रमुख लामाले लेडिज जेसिजले गरे कार्य प्रति आभार व्यक्त गर्दै महिलाले पनि समाजमा केही गर्न सक्छन भन्ने कुरा हेटौंडा लेडिज जेसिजले प्रमाणित गरेको भन्दै यस कार्यले  समाज विकासमा महिलाहरुको भुमिका महत्वपुर्ण रहेको बताएकी हुन।
कार्यक्रमको प्रमुख अतिथि रहेकी उपप्रमुख लामाले आफु उपमहानगरपालिका बजेट विनियोजन गर्दा महिलाको सिप तालिम र महिला शसक्तिकरणका लागी १५प्रतिशत भन्दा बढी बजेट छुट्याएको भन्दै महिलाको  हक अधिकारको लागि  लडने बताइन ।
कार्यक्रम संयोजक प्रतिमा श्रेष्ठको सभाध्यक्षता भएको कार्यक्रममा २०१९ की अध्यक्ष  सुष्मा लटौला ,हेटौँडा ४ का वडाध्यक्ष नविन सिग्देल, पत्रकार सहासंघ मकवानपुर सचिव गणेश दपर्ण अधिकारी ,हेटौँडा जेसिज २०१९ अध्यक्ष सन्देश डिसी, बसामाडी जेसिज अध्यक्ष सरोज अधिकारी, बस्तिपुर जेसिज अध्यक्ष सुनिल अधिकारी, गल्फ लुब्रिकेन्टका हिरामणी त्रिताल, निवर्तमान अध्यक्ष अस्मिता श्रेष्ठ, कार्यक्रम मुल संयोजक शुसिला पौडेल, कार्यक्रम सह मुल संयोजक सृष्टी गोर्खाली, रस्मी बस्नेत, निसा रोक्का, अन्जना उपाध्याय ,महासचिव ज्योत्सना भण्डारी एवं सम्पुर्ण हेटौंडा लेडि जेसीजका सदस्यहरू, छिमेकी शाखाका प्रतिनिधिहरुको  सहभागित रहेको थियो ।
त्यसैगरी हेटौंडा लेडिज जेसिजले  आयोजना गरेको  लेडिज जेसिज सप्ताह अन्तगर्तका विभिन्न कार्यक्रममा सफल भएकाहरुलाई पुरस्कार वितरण गरिएको थियो । 
हेटौंडा लेडिज जेसिजले  लेडिज जेसिज सप्ताह अन्तगर्त वृक्षारोपण, स्टेश्नरी तथा पोषक वितरण, स्लो स्कुटर रोस, बादविवाद प्रतियोगिता, कविता प्रतियोगिता , हेटौँडा १५मा रहेको दिव्य आश्रममा भोजन लगायतका कार्यक्रम आयोजना गरेको थियो ।