सेञ्चुरी बैंक हेटौँडा शाखाको बालगृहलाई सहयोग

२६जेठ, हेटौँडा । सेञ्चुरी कमर्सियल बैंकको हेटौंडा शाखाले हाम्रो घर नामक बालगृहमा आश्रित बालबालिकालाई शैक्षिक तथा खेलकूद सामाग्री सहयोग गरेको छ ।
 बैंकले संस्थागत सामाजिक उत्तरदायित्व खर्च अन्र्तगत हेटौंडा उपमहानगरपालिका वडा नम्बर ५ अवस्थित ग्रामिण जीवनस्तर सुधार मञ्च हाम्रो घर नामक बालगृहमा आश्रित बालबालिकालाई शैक्षिक तथा बौद्धिक विकासमा सहयोग पुर्याउने उद्देश्यले ३० हजार बराबरको शैक्षिक तथा खेलकूद सामाग्री  सहयोग गरेको हो। सेञ्चुरी बैंक हेटौंडाका शाखा प्रमुख सुहित शाक्यले बालगृहका संस्थापक अध्यक्ष इन्दिरा न्यौपानेलाई शैक्षिक सामाग्री हस्तान्तरण गरेका छन  । साम्रगी हस्तान्तरण कार्यक्रममा समाजसेवी राजाराम बर्तौला, सेञ्चुरी बैंकका क्षेत्रिय प्रबन्धक शंकर के.सी, सेञ्चुरी बैंक हेटौंडा शाखा प्रमुख सुहित शाक्य,मकवानपुर जागरण अभियानका अध्यक्ष कृष्णराज कोइराला, संस्थाका उपाध्यक्ष जनक कुमार डंगोल,सचिव बालकृष्ण दाहाल लगायत बैंकका अन्य कर्मचारीको उपस्थिती रहेको थियो । उक्त कार्यक्रमलाई मकवानपुरमा कृयाशिल सामाजिक संस्था मकवानपुर जागरण अभियानले सहजिकरण गरेको थियो । बाल पुर्नस्थापना केन्द्रमा हाल अनाथ,बेसाहारा गरि ३० जना बालबालिका आश्रित रहेको छन ।