नागरिक निगरानी संस्थाको पत्रकारसंग अन्तरक्रिया

२७ जेठ, हेटौँडा । हालै प्रदेश ३को राजधानी हेटौँडा गठन भएको भ्रष्टाचार विरुद्धको नागरिक निगरानी संस्था मकवानपुरले सोमबार हेटौंडामा भ्रष्टाचार विरुद्ध नागरिक सचेतना अभियान अन्र्तगत पत्रकारसंग  परिचयात्मक तथा अन्तरक्रिया कार्यक्रम सम्पन्न गरेको छ । 
अख्तियार दुरुपयोग अनुसन्धान आयोग हेटौँडाका उपसचिव शिवराज रेग्मीको प्रमुख अतिथ्यतामा भएको कार्यक्रममा सहभागिहरुले भष्ट्राचार नियन्त्रणको आवश्य कदमका बारेमा चर्चा गरिएको थियो।कार्यक्रममा बोल्दै प्रमुख अतिथि रेग्मीले भष्ट्राचार नियन्त्रणका लागि आयोग लागिपरेको बताउदै निजी क्षेत्रले खुबाउने,सरकारी क्षेत्रबाट भष्ट्राचार हुने गरेको भन्दै त्यस्ता परिपाटिको अनत्य हुनु पर्ने बताए।उनले यस संस्थाले हरेक नागरिकमा पुगेर भ्रष्टाचार विरुद्ध आवाज उठाउने कदम चाल्ने विश्वास व्यक्त गरेका छन । 
त्यसैगरी अन्तरक्रिया कार्यक्रममा बोल्दै नेपाल पत्रकार महासंघ प्रदेश ३ का अध्यक्ष प्रताप विष्टले नितिगत भष्ट्राचार बढी हुने भएकाले संचारकर्मीहरु चनाखो हुनुपर्ने बताएका छन । उनले हरेक नेपालीले साधारण जिवनशैली र रहनसहनमा रमाउनसकै भष्ट्राचारका कमि हुने विश्वास व्यक्त गरे। 

त्यस्तै नेपाल पत्रकार महासंघ कवानपुरका अध्यक्ष हरि हुमागाईले राम्रो काम गर्ने प्रयत्न गरे भष्ट्राचारमा अवश्य कमी आउने बताए। संस्थाका अध्यक्ष देवप्रसाद श्रेष्ठको सभाध्यक्षतामा भएको कार्यक्रममा संस्थाका पदाधिकारीहरु,  मकवानपुरमा क्रियाशिल पत्रकारहरुको उपस्थिति रहेको थियो ।