बिहिबारबाट मलको अभाव हुदैनः लिमिटेड प्रमुख घिमिरे

सुनिल शिवाकोटी

२९ जेठ, हेटोँडा । मकवानपुर जिल्लाका साथै हेटौँडा बजारमा देखिएको रसायनिक मलको अभाव हटदै गएको छ । कृषि सामग्री कम्पनी लिमिटेड हेटौँडा कार्यालय जिल्लाका विभिन्न स्थानमा मल पठाएपछि अभाव हटदै गएको हो । 
 वैशाख ६ गते देखि मकवानपुर जिल्लामा मलको अभाव भइरहकोमा अवस्थामा २३ गतेपछि मल आएपछि अहिले बिस्तारै अभाव हटदै गएको कृषि सामग्री कम्पनी लिमिटेड शाखा कार्यालय हेटोँडाले दाबी गरेको छ । 
खेलि लगाउने बेलामा जिल्लाभर तथा उपमहानगरपालिका भित्र देखिएको रसायनीक मलको अभावको बारेमा बुझन प्रस्ट खबर टिम हेटौँडा २ स्थीत सिद्धार्थ मार्गमा रहेको कृषि सामग्री कम्पनी लिमिटेडको कार्यालयमा पुग्यौ । 
सधै खेती गर्ने बेलामा किन मल अभाव हुन्छ भनेर सोध्दा कम्पनी हेटौँडा शाखा प्रमुख शर्मिला घिमिरेले किसानको माग र आपूर्तिबीचको खाडलले गर्दा नै मलको अभाव भएको बताउदै अब भोलीबाट बिस्तारै अभाव हटने बताइन ।
घिमिरेले मंगलबार १ सय ७० बोरा मल दिएकोमा बुधबार संख्या बढाएर जिल्लाभर १ हजार २ सय ९० बोरा मल पठाएको बताइन ।
जसमा मनहरी तर्फ ३ सय बोरा, हेटोँडा बजार सहित नगर भित्र ५८० बोरा, ईन्द्रसरोवरमा १ सय ६० बोरा, कैलाशमा १ सय बोरा, थाहानगरमा ८० बोरा र बकैयामा ७० बोरा मल पठाइएको भन्दै बाग्मती गाउँपालिकामा हालसम्म मलको माग नै नआएको बताइन । 

उनले जेठ २३ गते बाट २८ गते सम्म ८ हजार ६ सय बोरा मल आएको र आज बुधबार सम्म ८ हजार १ सय ५० बोरा जिल्ला तथ नगर भित्र पठाइसकेको बताउदै अब कृषि सामग्री कम्पनी लिमिटेड हेटौँडाको गोदाममा ४ सय ५० बोरा बाकि रहेको र त्यसलाई पनि आवश्यक परे वितरण गर्ने बताइन । 
यता हेटौँडा नगर भित्रका  हेटौँडा ४ मा रहेको कृषक कृषी सहकारी लाई ५० बोरा,हेटौँडा २मा रहेको किसान कृषी सहकारी लाई ५०बोरा र हेटोँडा १० मा रहेको खेति किसान कृषि सहकारीलाई ५० बोरा मल वितरण गरिएको र अभावलाई मध्यनजर गरेर १ जना किसानलाई २५ किलोको दर मल दिने व्यवस्था गरिएको शाखा प्रमुख घिमिरेले बताइन । 
यता हिजो मंगलबार मलको अभाव भएको गुनासो आएपछि जिल्ला प्रशासन कार्यालयको नेतृत्वमा  कृषि सामग्री कम्पनी लिमिटेड मकवानपुरका कार्यालय प्रमुख शर्मिला घिमिरे सहित उपभोक्ता हित संरक्षण मञ्चका जिल्ला अध्यक्ष वासु खतिवडा सहितको टोलीले हेटौडा उपमहानगरपालिकाका ५ ओटा कृषि सहकारी संस्थामा मल वितरण कार्यको सम्बन्धमा अनुगमन गरेको थियो ।