नेता बानियाँले गरे गढीमा रहेको रतनदेवी मन्दिरमा प्राण प्रतिष्ठा पुजा

३० जेठ, हेटौँडा । ओझेलमा परेको मकवानपुरगढी गाउँपालिका १ डाडाँगाउँमा रहेको ऐतिहासिक तर जिर्ण अवस्थामा रहेको रतनदेवी माता मन्दिरको बिहिबार प्राण प्रतिष्ठा पुजा गरी उद्घाटन गरिएको छ । जिर्ण अवस्थामा रहेको रतनदेवी माता मन्दिरको  प्रदेश ३ का प्रतिपक्ष दलका नेता इन्द्र बहादुर बानियाँले प्राण प्रतिष्ठा गरी उद्घाटन गरेका हुन ।  
कार्यक्रममा बोल्दै प्रमुख अतिथि बानियाँले झण्डै २०१३ साल भन्दा अघि तिरको ऐतिहासिक रुपमा रहको रतनदेवि मन्दिर हेटौंडाको भुटनदेवी मन्दिर झै इतिहास बोकेको बताउदै ऐतिहासीक धरोहरको संरक्षण गरिनुपर्ने बताए । 
आगामी आर्थिक वर्षमा यस मन्दिर क्षेत्रलाई विकास गर्न गाउँपालिकाबाट थप बजेट माग गरि काम अगाडी बढाउने गाउपालिका वडा नम्बर १का वडाध्यक्ष आइत सिं लो ले बताए । वडा कार्यालयको १ लाख बजेट र नेता बानियाँको आर्थिक सहयोगमा ऐतिहासिक रुपमा रहेको रतनदेवी माताको पुरानो मन्दिर परिसरमा नयाँ संरचना बनाई आज प्राण प्रतिष्ठा गरि मुर्ति प्रतिस्थापना गरिएको जनाईएको छ । 

वडा नम्बर १का वडाध्यक्ष आइत सिं लोको अध्यक्षतामा भएको कार्यक्रममा नेपाली काङ्ग्रेस मकवानपुरका सहसचिव राम बाबू बानियाँ, गाउपालिका वडा ७ का वडा अध्यक्ष सुर्य बहादुर रुम्बा, वडा १ का सदस्य सुवात सिं थिङ, ठुलीमाया विक, शान्तकुमारी डिम्डुङ, गणेशमान गोले, समाजसेवी फुलमान गोले, भुपु वडा अध्यक्ष मान बहादुर घिसिङ,पुजा आयोजक समितिका संयोजक प्रल्हाद सापकोटा, सुन्दर सिं लो लगायतको उपस्थिती रहेको थियो ।