मकवानपुर प्रहरीलाई अर्को सफलता,५४ किलो गाँजा बोकेको ट्रक सहित२ पक्राउ

३१ जेठ, हेटौंडा।लागु औषध नियन्त्रणमा नाम कमाएको मकवानपुर प्रहरी  शुक्रबार लागु औषध बारामद गरी फेरी अर्को सफलता हात पारेको छ।

प्रहरीले मकवानपुरले पूर्वपश्चिम राजमार्ग स्थित हेटौंडा १५ रातोमाटेबा प्रहरीले शुक्रबार विहान ५४ किलो गाँजासहित दुई जनालाई पक्राउ गरेको शुक्रबार जिल्ला प्रहरी कार्यालय मकवानपुरको परिसरमा पत्रकार भेटघाटको आयोजना गरी यस विषयमा जानकारी गराएको हो। 

पत्रकार भेटघाटमा मकवानपुरका प्रहरी प्रमुख प्रहरी उपरीक्षक मुकेश कुमार सिंहले इलाका प्रहरी कार्यालय पशुपतिनगरबाट प्रहरी निरीक्षक अरूण कुमार कुशवाहा नेतृत्व गएको प्रहरीले  हेटौंडा १५ मा मनहरीबजारबाट गाँजा लोड गरेर वीरगञ्जतर्फ जाँदै गरेको ना ३ ख ५३४० नम्बरको ट्रक चेकजाँच गर्ने क्रममा ५४ किलो लागूऔषध गाजा सहित गाजा कारोबारमा संलग्न २ जनालाई  पक्राउ गरेका जनाएका छन्।

पक्राउ पर्नेमा बाराको सिमरा उपमहानगरपालिका वडा नं. २ बस्ने २८ वर्षीय रोहित श्रेष्ठ र भारत रक्सौल बस्ने ४४ वर्षीय संजय महतो रहेको जनाइएको छ। ट्रकका  मालिक  भने रोहित श्रेष्ठ  रहेको प्रारम्भिक अनुसन्धानबाट खुलेको  र उनीहरुले ट्रकको अगाडी पट्टिको सिलिङमा फल्स बटम बनाई दुई वटा बोरा भित्र २७ वटा पलास्टिकले बेरिएको पोकामा लुकाएर उक्त गाँजा ल्याएको उपरीक्षक  सिंहले बताए।

ट्रक र ५४ किलो गाँजा सहित महतो र श्रेष्ठलाई नियन्त्रणमा लिई  आवश्यक अनुसन्धान भइरहेको जनाइएको छ ।