विश्वकप क्रिकेटः रुटको शतकमा इंग्ल्यान्डको सहज जित

३२ जेष्ठ, हेटौँडा । इंग्ल्यान्डमा जारी १२ औँ एक दिवसिय विश्वकप क्रिकेट प्रतियोगितामा शुक्रबारको खेलमा घरेलु टोली इंग्ल्यान्डले सानदार जित निकालेको छ ।
शुक्रबार राती सम्पन्न खेलमा वेस्ट इन्डिजलाई ८ विकेटले पराजित गर्दै विश्वकपमा इंग्ल्यान्डले तेस्रो जित निकालेको हो । 
ओपनर जो रुटले सानदार शतक प्रहार गरेपछि २ सय १३ रनको लक्ष्य पछ्याएको इंग्ल्यान्डले ३३.१ ओभरमा २ विकेट क्षतिमा लक्ष्य पुरा गरेको हो ।
इंग्ल्यान्डका लागि रुटले अविजित १ सय रनको शानदार पारी पारी खेले । यस्तै क्रिस वोक्सले ४०, जोनी बेयरस्टो ४५ रन बनाए भने बेन स्टोक्सले अविजित १० रनको योगदान दिए । वेस्ट इन्डिजका लागि शैनन गेब्रियलले २ विकेट लिए ।
यसअघि साउथह्याप्टनमा टस हारेर पहिला ब्याटिङको निम्तो पाएको वेस्ट इन्डिज ४४.४ ओभरमा अल आउट हुँदै २ सय १२ रनमा समेटिएको थियो । 
उसका लागि मध्यक्रमका युवा खेलाडी निकोलस पुरनले सर्वाधिक ६३ रनको योगदान दिए । यस्तै क्रिस गेलले ३६, शिमरोन हिटमायरले ३९, आन्दे्र रसेल २१, कार्लोस बर्थवेट १४, र कप्तान जोसन होल्डरले जम्मा ९ रन बनाए । 
वेस्ट इन्डिजका ओशन थोमस, शिल्डन कर्टेल र शैनन ग्रब्रियलले खाता समेत खोल्न सकेनन् ।
इंग्ल्यान्डका लागि जोफ्रा आर्चर र मार्क उडलले समान ३ विकेट लिए भने जो रुटले २ तथा लियाम प्लन्केट र क्रिस वोक्सले समान १-१ विकेट लिए ।
यो जितसँगै घरेलु टोली इंग्ल्यान्ड ४ खेलमा ३ मा जित र १ मा हारका साथ ६ अंक जोड्दै दोस्रो स्थानमा उक्लिएको छ । इंग्ल्यान्डले पाँचौ खेल आगमी मंगलबार अफगानिस्तानसँग खेल्ने छ । (एजेन्सी)