हेटौंडा ७ मा रहेको डिप बोरिङको कमर्चारीको लापरबाही,घरमा धारा छ तर पानी छैन

३२जेठ, हेटौंडा। धारा छ तर पानी छैन सुन्दा अचम्म लाग्न सक्छ तर यो वास्तविकता हो।यो वास्तविकता हेटौंडा नगर भित्रको हो।

हेटौंडा उपमहानगरपालिका वडा नम्बर ७ मा विगत केही दिनदेखि खानेपानीको हाहाकार मच्चिएको छ।

विगत केही दिनदेखि  हेटौंडा ७को अधिकांस स्थानमा धारामा पानी नआउँदा पानीको हाहाकार मच्चिएको हो। विशेष गरी हेटौंडा ७ नागसवतीमा रहेको डिप बोरिङबाट वितरण गरिएको धारामा पानी नआएको स्थानीयले बताएका छन ‌। विशेष गरी न्युरेनी चिसापानी, गलैचा चोक,पशुपति टोल लगायतका क्षेत्रमा पानीको हाहाकार मच्चिएको हो।

यस विषयमा पटक पटक  हेटौंडा खानेपानी व्यवस्थापन बोर्डलाई जानाकारी गराउदा पनि वेवास्ता भएको र कर्मचारीले खानेपानीमा समेत राजनितिकरण गरेको  हेटौंडा ७ न्युरेनी चिसापानीका  गणेश दुलालले आक्रोश व्यक्त गरेका छन्।

यस विषयमा बुझन प्रस्ट खबर टिमले हेटौंडा खानेपानी व्यवस्थापन बोर्डका प्रमुख सुदर्शन ढकाललाई फोन गर्दा पानीको माग बढेकोले समस्या भएको बताएका छन्।

यता नागसवती पम्पका कर्मचारी बलराम महतलाई टेलिफोन गरी पानी   वितरणमा लापरबाही भएन र भनेर सोध्दा टेलिफोन काटिदिएका छन।

त्यसैगरी स्थानीय तुलसा बर्तौलाले धारामा पानी आइहाले  राति १० बजे  आउछ अब  निन्द्रा माया मारेर पानी थाप्नु पर्ने भो , उनले पम्पका कर्मचारी महतले चरम लापरबाही गरेको भन्दै आम नागरिकले पानी खान पाउने अधिकारलाई कुण्ठित गरेको आरोप लगाएका छन्।

यस विषयमा प्रस्ट खबर टिमले हेटौंडा खानेपानी व्यवस्थापन बोर्ड जानकारी गराउद समेत खानेपानीको उचित व्यवस्थापन हुन सकेको छैन।