सांसदहरुलाई बजेट बाँड्नु सरकारको गल्तिः कांग्रेस प्रवक्ता शर्मा 

१ असार, हेटौँडा । नेपाली काँग्रेसका प्रबक्ता बिश्व प्रकाश शर्माले साँसदहरुलाई बजेट बाँडफाँड गर्नु सैद्धान्तिक रुपमा गलत भएको बताएका छन् । 
हेटौँडामा सम्पन्न नेपाल साँस्कृतिक सँघको जिल्ला सभापतिहरुको राष्ट्रिय भेलाका क्रममा पत्रकारहरुसँग कुरा गर्दै उनले यस्तो बताएका हुन् । 
प्रवक्ता शर्माले नेपालको संरचना अनुसार वडाअध्यक्षहरु मात्र बजेटका हकदार भएको बताउदै वडास्तरबाटै परियोजनाको आबश्वयकता अनुसार मात्र बजेट बाँडफाँड गरिनुपर्नेमा जोड दिए ।
उनले साँसदहरुलाई जनताले भोटमार्फत शक्ति प्रदान गरेको उल्लेख गर्दै ल्यापटप जस्ता साना उपकरण प्राप्तिमा साँसदको ध्यान जान पनि नहुने पनि बताए । 
यसैविच १५ बुँदे घोषणापत्र जारी गर्दै नेपाल साँस्कृतिक सँघको जिल्ला सभापतिहरुको राष्ट्रिय भेला शनिबार हेटौंडामा सकिएको छ । घोषणा पत्रमा स्थानीय तहमा रहेका कलाकार तथा स्रष्टाहरुको स्थानीय स्तरमा सँगठन बिस्तार गरिने, प्रदेश स्तरीय रुपमा पनि सँठनको बिस्तार गर्ने, सुचना प्रबाह नियमित गर्ने, गतिविधीबारे मासिक कार्यविवरणको अभिलेख राख्ने जस्ता कुरा समेटिएका छन् ।
शुक्रबारदेखि शुरु भएको प्रशिक्षणमा नेपाली काँग्रेस प्रबक्ता बिश्व प्रकाश शर्माले सहजीकरण गरेका थिए । 
सँघका सभापति तिर्थ बहादुर थापाको अध्यक्षतामा भएको प्रशिक्षण भेलामा ७७ जिल्लाकै सँघ सभापतिहरु तथा बिधागत सभापतिहरुको सहभागिता रहेको थियो ।